«Aldymyzda óte úlken, kúrdeli mindetter tur. Almaty - biz úshin erekshe qala, jalpy áleýmettik máselelerdi sheshýge basty nazar aýdarý kerek, naǵyz almatylyq rýhty jandandyryp, turǵyndarǵa kóterińki kóńil-kúı syılaý kerek», dedi Memleket basshysy Úkimettiń keńeıtilgen otyrysynda.
Sondaı-aq Prezıdent naýryz aıynda Almatyǵa jumys saparymen barýdy josparlap otyrǵanyn aıtty.
«Naqty máselelerdi biz naýryz aıynyń basynda Almatyǵa sapar barysynda talqylaıtyn bolamyz. Onda shyn máninde problemalar bar - olarmen Baqytjan Saǵyntaev aınalysty, bir jerde alǵa jyljýǵa úlgerdim, bir jerde túrli sebepter boıynsha úlgermedim, sheshim qabyldamadym. Qalaı bolǵanda da, baǵyt durys alyndy - dál osy baǵytta qozǵalý kerek. Almaty jurtshylyǵymen tyǵyz jumys isteý kerek dep oılaımyn. Taǵy da qaıtalaımyn, biz qaqtyǵys máselelerin jumys saparynda talqylaýymyz kerek», dedi Memleket basshysy.
