24 saǵat

Venesýeladaǵy bılikke qarsy narazylyq aksııalary jalǵasyp jatyr. Keshe sondaı sharaǵa qatysýshylardyń biri, stýdent jigit qaza tapty. Jalpy, eldegi áleýmettik-ekonomıkalyq jaǵdaıǵa kó­ńili tolmaıtyndardyń narazy­lyq­tary bastalǵan eki aıǵa taıaý ýaqyt ishinde elde 30 adamnyń qazaǵa ushyraǵany belgili bolyp otyr. Malaızııanyń Qytaı­­ǵa ushyp shyǵyp, jolaı joǵa­lyp ketken Boıng-777-200 jolaýshylar ushaǵy eki aptaǵa jýyq ýaqyttan beri 29 eldiń qatysýymen izdestirilip ja­­­tyr. Sońǵy málimetke sú­ıen­­­­­sek, Úndi muhıtynyń oń­­tús­tigi­nen birneshe bó­lik­­­ten turatyn, eń úlkeni 24 metr­di quraı­tyn ushaqqa uq­­sas obektiler baıqalǵan. Biraq olardy naqty ushaq sy­­­nyq­ta­ry deýge áli erterek sııaqty. Taıland polısııasy eki reseılik azamat – Iаna Strı­jeýs pen Alekseı Sla­­bın­skııdi urlap ketti dep kúdik keltirilgen eki adamǵa izdeý jarııalady. Reseılikter Phý­ketke Vladıvostoktan kelgen kóri­nedi. Urlanǵannan keıin Iа.Strı­jeýs týysqandaryna ha­bar­lasyp, kepilge alǵandar 100 myń dollar tólem talap etip otyrǵandaryn jetkizgen. So­dan beri urlanǵandardan habar-oshar joq eken. Kanadada jergilikti úndister Ontarıo pro­vın­sııasyndaǵy temirjoldy jaýyp tastaǵan. Bul jeli provınsııany el astanasy Ottavamen jáne basqa da iri qalalarmen jalǵastyrady. Narazylyq aksııasy 10 sa­ǵatqa sozylǵan. Keıin po­ıyz­dar qozǵalysy qaıta jal­­ǵasqan. Temirjol jabyq kezde bılik basyndaǵylar qo­symsha avtobýs marshrýttaryn ashqan. Al narazylyq bildirýshiler bılikten úndis áıelderin óltirý isi boıynsha tergeý jumystaryn júrgizýdi talap etken. Kanadada 34 mln. halyq tursa, onyń 732 myńy úndister bolyp tabylady. Japonııanyń ataqty «Toıota» kompanııasy AQSh tarapynyń talap etýimen 1,2 mlrd. dollar aıyp tóleıtin boldy. Buǵan Amerıkaǵa satylǵan avtokólikterdiń basqarý júıesindegi aqaý sebep eken. Kóptegen shaǵymdarǵa qaramastan, kompanııa osy kúnge deıin kólikterde aqaý joq dep jaltaryp kelse kerek. Biraq aqyrynda kompanııa kólikterdegi aqaýdy moıyndaýǵa májbúr bolyp, aıyp tóleýge kelisken jáne bul «Toıotanyń» rekordty aıyby bolyp tabylady. Grekııa áskerı-teńiz kúshteri jaqynda úsh Týre 214 súńgýir qaıyqtarymen tolyqpaq. Bul týraly osy eldiń qorǵanys mınıstri Demetrıos Avramopýlos jarııa etti. Atalǵan súńgýir qaıyqtardy Grekııa floty­nyń quramyna alý 2015 jyl­ǵa josparlanypty. Ko­rablderdi Grekııa qorǵanys mınıstrliginiń tapsyrysy boıynsha jańǵyrtýǵa 75,5 mln. eýro jumsalmaq kórinedi. Aqparat agenttikteri materıaldary negizinde ázirlendi.