Áıtkenmen, Nepal úkimeti sońǵy jyldary Qytaımen baılanysyn jaqsartyp, onyń ońtústigindegi kórshisi Úndistanmen de qarym-qatynasyn rettegen bolatyn.
Bul jaǵdaı Beıjińmen aradaǵy baılanystarǵa qysym kórsetýi múmkin. Nepal men Qytaı arasyndaǵy shekara Gımalaı taýlarynyń boıymen shamamen 1400 shaqyrymdy basyp ótedi. Bul 1960 jyldardyń basynda eki el arasynda qol qoıylǵan birqatar kelisimderde aıtyldy.
Nepal úkimeti Qytaıdyń yqtımal qol suǵýy jaıly habarlamalardan keıin Hýmlaǵa polısııa men Úkimet ókilderinen quralǵan jumys tobyn jiberýge sheshim qabyldady. Keıbir derekterge sensek, Qytaı shekaranyń Nepal jaǵynda birqatar ǵımarattar turǵyzdy desedi.
Tarıhqa zer salsaq, keıbir beıresmı transshekaralyq tasymaldar, sonyń ishinde qajylar men saýdagerler osy jolmen ótken. Biraq Qytaı bul qozǵalysty birtindep shektedi.
Qazir Katmandý analıtıkalyq ortalyǵynda jumys isteıtin Nepaldyń burynǵy dıplomaty Vıjaı Kant Karna «Beıjiń óziniń shekaralas problemalary bar aımaqtyq qarsylasy Úndistanǵa alańdaýy múmkin» degendi alǵa tartyp otyr.
Asel Jıgıtova,
L.N.Gýmılev atyndaǵy Eýrazııa Ulttyq ýnıversıtetiniń stýdenti.
