• 21 Naýryz, 2014

Qymbatty otandastar!

690 ret

kórsetildi

1 mın

oqý úshin

Egemen Qazaqstan

Qazaqstan halqy Assambleıasy sizderdi jyldyń basy – Ulystyń uly kúni Naýryz merekesimen quttyqtaıdy! Naýryz barsha jurt asyǵa kútetin jalpyhalyqtyq mereke, eldik dástúr. Halqymyz úshin bul kún qashanda yrys pen yntymaqtyń, tatýlyqtyń, jańarýdyń merekesi. Ulystyń uly kúni eldiń birligi bekip, eldik murattar sabaqtalady. Aǵaıyn ótkennen qalǵan ókpe-nazyn umytyp, tós qaǵysyp sálemdesip, bir dastarqannan dám tatady. Bul kúni tabıǵat uıqysynan oıanyp, kún sáýlesi shýaǵyn shashady, qustar án salyp, dala jasyl jelekke oranady. Áz Naýryz kelgende jer dúnıe jańaryp, tabıǵat túlep, tórt túlik tóldep, dastarqan aqqa tolady, eldiń mereıi ústem bolyp, jer ústinde shattyq toıy, bereke toıy bastalady. Halqymyzdyń súıikti merekesi búgingi ómirimizge enip, ata saltymyzdyń jańǵyrýynyń, dástúrler sabaqtastyǵynyń jarqyn belgisine aınaldy. О́tkenimizden qýat alyp, keleshegimizge shýaq shashatyn Ulystyń uly kúni – Naýryz merekesiniń bizdiń basty qazynalarymyz – eldik jarasym men qoǵamdyq kelisimdi, Qazaqstan halqynyń birligin nyǵaıtýda mańyzy erekshe. Osyndaı qundylyqtarymyzdy saqtaı otyryp, biz uly muratymyz «Máńgilik El» bolý jolynda elimizdiń Táýelsizdigin nyǵaıtyp, birligin bekem ustaımyz. Qurmetti otandastar! Naýryz, yntymaǵy jarasqan elimizdi molshylyqqa, al ár shańyraqty baqyt pen shattyqqa toltyrsyn dep tileımiz. Árbir adamǵa baq-bereke tileımiz! Ulys oń bolsyn! Aq mol bolsyn! Naýryz meıramy qutty bolsyn! Qazaqstan halqy Assambleıasy.