Adal eńbek árbir otandasymyz úshin mańyzdy

Adal eńbek búgingi qoǵam úshin aýadaı qajet. Q.Toqaevtyń bul sózi kóz­boıaý­shylyqtyń dáýiri ótkenin kórsetip otyr. О́mirdiń ózi ár nárseni oryn-ornyna qoıyp keledi. Adal eńbeksiz kelgen paıdanyń da, nápaqanyń da sońy jaqsylyqqa aparmaıdy. Osy másele týraly árbir otandasymyz oılanýy qajet. Sebebi adal eńbekti ózgeden ǵana kútpeı, ózimiz de osyǵan yntalanýymyz kerek. Bázbireý adal eńbek usynǵan bolsa, oǵan tutynýshy da adaldyqpen jaýap qaıyrǵany jón.

Árıne, Prezıdent bul sózderdi eń aldymen, memle­ke­t­tik qyzmetshilerge aıt­qany anyq. Sebebi tabıǵı, energetıkalyq, álde ákimshi­lik bolsyn memlekettik re­sýrs­­tardyń barlyǵy memle­ket­tik qyzmetshilerdiń quzy­retinde. Olarǵa halyq senim artyp, jaýapty qyzmetke taǵaıyn­dalýlarynan úlken úmit kú­tedi. Memlekettik qyzmetshi dege­nińiz qoǵamnyń senimine ıe tulǵa. О́kinishke qaraı, qo­ǵam bul senimin áldeqashan jo­ǵal­typ alǵan. Laýazymdy tul­ǵalar seniminen aıyryldy. Kóp másele áli de bolsyn túbe­geıli sheshimin tapqan joq. Son­dyqtan Memleket basshysy naqty tapsyrmalar berip, baǵyt-baǵdar usynyp otyr. Máselelerdi tıimdi sheshýdiń joldaryn kórsetip berdi.

Sondyqtan árbir adam adal eńbek etýge talpynýǵa tıis. Mánsapqa jetý, baılyqqa kenelý úshin adal eńbek etken bolyp, aınalasyn aldap júregenderdiń taýy shaǵylatyn kez keldi. Ondaı adamdarǵa da oılanatyn, naqty ispen aınalysatyn ýaqyt jetti. Adal eńbek qana memleketimizdi alǵa bas­tyrady. Mine, sondyqtan Prezıdent te, qoǵam da memlekettik qyz­mettiń tizginin ustaǵan azamat­tarǵa osyndaı talap qoıyp, adaldyǵyna senim artyp otyr. Alaıda bul senimniń de, shy­dam­nyń da shegi bar.

Adamdar atqarǵan adal eńbegine saı baqýatty ómir súretin, ál-aýqaty jaqsaratyn bolsa memlekettik júıeni qal­pyna keltirdik dep sonda ǵana aıta alamyz. Memle­ket basshysy aıtyp ótken­deı, kóptegen otbasynyń kiri­si tek qana memlekettik dotasııalarmen, áleýmettik jeńildiktermen, sýbsıdııa­larmen, túrli áleýmettik tó­lem­dermen ǵana baılanys­ty bolyp otyr. Shynyn aıtý kerek, eńbek naryǵynda júr­gen, ekonomıkalyq turǵyda bel­sen­dilik tanytyp júrgen adam­dardyń sany shamaly. Áleý­mettik jeńildikterge súıe­netin adamdardy bylaı qoıyp, jumys istep júr­gen kóp jan­dar­dyń ne ózin, ne óz otbasyn tolyq qam­tamasyz etetin jal­aqy­sy da, múm­kin­digi de joq. Má­seleniń ózegi osyn­da. Eger eli­mizde eńbek adal baǵala­nyp, jalaqy ádil tóle­netin bolsa mundaı kúıge túspeıtin edik.

Árıne, másele jalǵyz jalaqy­da emes. Barlyq másele tabyspen, kirispen ólshen­beı­tini de belgili. Saqtan­dyrý júıesi bolsyn, qyz­met­terdiń qoljetimdiligi bolsyn, ony qamtamasyz etetin ınf­raqurylym, naryq bolsyn barlyǵy bir-birimen tyǵyz, tikeleı baılanysty. Másele júıeli túrde sheshimin tabýǵa tıis. Olaı bolmaǵan jaǵdaıda Memleket basshysy tıisti shara qabyldaıtyny anyq.

Aıgúl SÁDÝAQASOVA,

áleýmettanýshy