Atakásiptegi tártipsizdik rettelýge tıis

Jasyratyny joq, agrar­lyq salada qordalanǵan másele az emes. Qazaqstan halqy­nyń 40%-y aýyldy jerde turaty­nyn eskersek, olardyń basty tabys kózi de osy atakásip sanalady. Aýyl halqynyń 90%-y qazaqtar ekenin esten shyǵarýǵa bolmaıdy. Sondyqtan agroónerkásiptik keshendi, onyń ishinde aýyldy jerlerdegi óndiristi jolǵa qoımasa, tutastaı elimizdi damytý týraly aıtýdyń ózi qıyn bolady. О́kinishtisi sol, salaǵa jaýapty mınıstrlik ony damytýdyń ornyna kerisinshe quzǵa qulatyp jatqandaı áser qaldyrady. Aı­ta­lyq, aýyl sharýashylyǵy taýar óndirýshileriniń ónim­derin, ásirese ósimdik jáne et ónim­deri­niń eksportyn shektep, salany shat­­qaıaqtatýǵa jol berip otyr. Mu­­nyń saldarynan Qazaqstannyń azyq-túlik óndirýshileri, atap aıt­qanda, kartopty ósirýmen shuǵyl­da­natyn sharýalar 300 myń tonnaǵa jýyq ónimdi qaıda saýdalaıty­nyn bilmeı dal. Demek erteń ónim­niń barlyǵy dalada qalyp, shirı­di. Bu­dan keıin atalǵan azamattar­da aýyl sharýashylyǵymen aınalysýǵa qandaı ynta-jiger bolady?!

Eriksiz osynyń nátıjesinde aýyl halqy jumyssyz qalyp, onsyz da jumyssyz júrgen turǵyny kóp qalalarǵa jańa mıgrasııanyń legi qosylady. Osy máseleni qolǵa almasa, taıaý arada áleýmettik shıelenis týyndaýy ǵajap emes.

Et sharýashylyǵynda da osy­ǵan uqsas jaǵdaı oryn alyp otyr. Et ón­dirýshilerdiń ónimin kór­shiles О́zbek­stanǵa satýǵa tyıym salyp, ózi­miz­diń ishki nary­ǵy­myzda, naqty aıt­qanda, olıgarh­tardyń qaltasyna ar­zan baǵaǵa satýǵa májbúrlep otyr. Bulaı jalǵasa berse erteń fer­­mer­ler malmen aınalysýdy do­ǵara­dy. Byltyr qýańshylyqtyń sal­dary­nan onsyz da aýyl hal­qy­na ońaı tımegeni belgili. Aýyl sha­rýashylyǵy mınıstrligi azyq-túlik qaýipsizdigi másele­sin qunt­taýdyń ornyna keri­sinshe jaǵdaıdy odan saıyn kúrde­len­dirip jiberdi. Onyń naq­ty dáleli 5-6 jyldyń ishin­de sýb­sı­dııaǵa bólingen 2 trln teń­­­geniń jym­qyrylýy. Iаǵnı ag­rar­lyq sektorda sybaılas jem­qorlyq beleń alyp tursa kerek. Onyń basy-qasynda turǵan­dar aýyl sha­rýa­shylyǵyna jaýap­ty she­neý­nik­ter. Olardyń quzyre­tinsiz buǵan esh­kim­niń dáti barmaıtyny anyq. Osy aıtylǵan másele shuǵyl ara­da she­shilmese, bul vedomstvony ha­lyqqa qarsy jumys isteıtin mı­nıstr­lik dep aıtýdan basqa amal joq!

Saparbaı JOBAEV,

ekonomıka ǵylymdarynyń kandıdaty