Prezıdenttiń negizgi oılarymen kelisýge bolady. Nege deseńiz, kópshilik Qazaqstanda demokratııalyq prosesterdiń qarqyn alyp, saıası tulǵalardyń halyqqa jaqyn bolýyn tileıtini málim. Parlamentte kóppartııalyq júıeniń qalyptasqanyn durys dep esepteımin. Mysalǵa aıtsaq, qazir onda «Aýyl» partııasy usynylmaǵan. Bul uıymǵa Parlamentten oryn berilýin aýyl halqy, onyń ishinde aýyl sharýashylyǵymen aınalysatyn azamattar asyǵa kútip otyr. Sol sebepti joǵarǵy palataǵa atalǵan partııanyń músheleri de kirý kerek dep oılaımyn.
Ekinshiden, Prezıdenttiń partııanyń quramynda bolmaǵany da durys shyǵar. Mundaı mysaldar kóptegen órkenıetti elde bar jáne qoldanysta. Eger de shyn máninde demokratııalyq memleket qurǵymyz kelse, muny da iske asyrýymyz kerek dep sanaımyn.
Úshinshiden, partııanyń deńgeıin kóterý úshin onyń óz ishinde irikteý úderisi júrýge tıis. Aıtalyq, birinshi hatshyny, oblystyq jerlerdegi atqarýshy hatshylardy, birinshi orynbasarlardy ákim taǵaıyndamaı partııanyń músheleri tańdaýy qajet. Sebebi atqarylǵan jumys pen alǵa qoıylǵan mindetterdiń esebi bolady. Osy arqyly olardyń saılanyp taǵaıyndalǵanyn halyq ta biledi.
Aýdan, qala, oblys ákimderin de halyq saılaý kerek degen áńgimeniń aıtylyp júrgenine de biraz boldy. Buǵan túbi kelemiz dep senemin. Al muny iske asyrý úshin osyndaı bastamany partııa birinshi bolyp jarııalap, kóterýge tıis. Demek osyndaı mańyzdy máselelerde partııa jaýapkershilikti ózderine alyp, bastamashyl bolýy qajet. Iаǵnı saıası ınstıtýt halyqqa jaqyn bolýdy kózdese, bastamalardy kótere bilýi kerek.
О́ńirlik máslıhattardyń qyzmetine kelsek, qabyldaý jumystaryn kóbeıtip, kez kelgen máselege baılanysty sheshimdi shuǵyl ári tıimdi qabyldaýdyń tetikterin engizgen durys. Shyndyǵyn aıtqanda, oblystyq máslıhat depýtattarynyń quzyreti shekteýli. Máselen, óńirlerde qandaı da bir sheshim shyǵarylsa, sonyń ári ketse 5-10%-na ǵana depýtattar óz usynystaryn aıtyp, jetkizýge múmkindik bar. Sol sebepti óńirdegi depýtattardyń quzyretin keńeıtken artyq bolmas.
Qýanysh SÚLEIMENOV,
Qazaq Aqbas respýblıkalyq palatasynyń tóraǵasy,
Shyǵys Qazaqstan oblysynyń máslıhat depýtaty
