Sýretti túsirgen Erlan OMAR, «EQ»
Jańa «Jarǵylyq kapıtal úlesin senimgerlik basqarýǵa berý» qyzmetin egov.kz portalynda onlaın alý Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstrligi, «Ulttyq aqparattyq tehnologııalar» AQ jáne Qazaqstan Respýblıkasy Ádilet mınıstrliginiń aqparattyq júıelerin biriktirý arqyly júzege asyryldy.
Atalǵan qyzmet zańdy jáne jeke tulǵalarǵa qoljetimdi jáne tegin kórsetiledi. Jańa qyzmettiń kómegimen quryltaıshynyń (jeke tulǵanyń) jarǵylyq kapıtaldaǵy úlesterin senimgerlik basqarýǵa berý, úlesti basqarýǵa berý merzimin ózgertý jáne senimgerlik basqarýǵa berýdi qaıtaryp alý múmkindigi bar.
Jańa «Jarǵylyq kapıtal úlesin senimgerlik basqarýǵa berý» qyzmetin paıdalaný úshin «elektrondy úkimet» portalyna ótý qajet. Sodan soń paıdalanýshy portalda avtorızasııadan ótedi; qyzmetke onlaın tapsyrys berýdi bastaıdy; ishki qyzmetti tańdaıdy; mindetti joldardy toltyrady; avtomatty tekserýlerden ótedi; qujattardy tirkeıdi (tańdaǵan ishki qyzmetke sáıkes); ótinimge elektrondy sıfrly qoltańba arqyly qol qoıady; ótinimdi memlekettik organdardyń aqparattyq júıesine jiberedi.
Qyzmet kórsetý merzimi tirkeýshiniń qatysýymen eGov.kz portalynda ótinish berilgen kúnnen keıingi úsh jumys kúnnen aspaıdy.
«Jańa qyzmettiń yńǵaılylyǵy – úıden shyqpaı-aq zańdy tulǵanyń úlesin onlaın basqarýǵa berýge bolatyny. Biz memlekettik organmen birlesip qyzmet alý ýaqytyn qysqartý aıasynda jumys istep jatyrmyz. Sıfrlyq damý, ınnovasııalar jáne aeroǵarysh ónerkásibi mınıstrligimen birlesken jumystyń nátıjesinde sıfrly transformasııa azamattar úshin de, kásip úshin de kóptegen bıznes-prosesterdi jeńildetedi jáne jaqsartady», dep atap ótti «Ulttyq aqparattyq tehnologııalar» AQ basqarma tóraǵasy Rostıslav Konıashkın.
Qyzmet kórsetý nátıjesi – qyzmet kórsetý týraly habarlama nemese dáleldi bas tartý bolyp tabylady.
Aıta ketken jón, memlekettik qyzmetter tiziminde 700-ge jýyq qyzmet pen servıs qoljetimdi, onyń ishinde 2021 jyly egov.kz elektrondy úkimet portalynda 92 %-y avtomattandyryldy. Egov.kz portalynyń kómegimen azamattarǵa shamamen 50 mln qyzmet kórsetildi, bul 2020 jylmen salystyrǵanda 6 mln-ǵa kóp. Sondaı-aq avto jáne jeke kásipkerlikti qaıta tirkeý, bala týý boıynsha járdemaqyǵa ótinish berý jáne t.b. memlekettik qyzmetter ekinshi deńgeıdegi bankterdiń qosymshalaryna engizildi, dep habarlady «Ulttyq aqparattyq tehnologııalar» AQ Qoǵammen baılanys basqarmasy.
