Sportshy 2019 jyldan keıin alǵash ret óz elinde ótken ATP-250 týrnırine qatysty. Ol birinshi aınalymda otandasy Federıko Delbonıspen kezdesip, qarsylasynan eki sette jeńilip qaldy. Kezdesý aıaqtalǵannan keıin Hýan Martın Del Potro kásibı mansabyn aıaqtaǵanyn habarlady.
«Búgin men kásibı mansabyma núkte qoıdym. Endi men aıaǵymdaǵy jaraqattardy emdeýge tıispin. О́ıtkeni kúndelikti ómirde durys júrip-turýym kerek. Qazir aıryqsha sezimdi bastan keshirip otyrmyn. Sebebi sońǵy ret kortqa shyqtym. Kásibı mansabyma razymyn. Talaı tabystarǵa qol jetkizdim», dedi ol óz sózinde.
Ol tennısshi retinde 2009 jyly úlken dýlyǵaly US Open týrnırinde top jarǵan bolatyn. О́zge de birneshe jarystarda jeńistiń bıik tuǵyrynan kóringen.
