Prezıdent Ákimshiliginiń kelisimi boıynsha merıtokratııa qaǵıdatyna sáıkes qala ákimniń orynbasarlary bolyp Saryarqa aýdanynyń burynǵy ákimi Eset Baıken men Esil aýdanynyń burynǵy ákimi Berik Jákenov taǵaıyndaldy.
Eset Baıken eńbek jolyn Astana qalasynyń ekonomıka jáne bıýdjettik josparlaý basqarmasynda jetekshi maman qyzmetinen bastady. Ár jyldary Astana ákimi apparatynyń áleýmettik-mádenı sala bóliminiń bas mamany, Astana ákimi apparatynyń bas ınspektory, Uıymdastyrý-ınspektorlyq bóliminiń basshysy bolyp jumys istedi.
2016-2019 jyldary QR Prezıdenti Ákimshiligi basshysy hatshylyǵynyń sarapshysy, QR PÁ Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, Qaraǵandy oblysy Nura aýdanynyń ákimi, Nur-Sultan qalasy ákimi apparatynyń basshysy laýazymdaryn atqardy. 2020 jyldan bastap Nur-Sultan qalasy Saryarqa aýdanynyń ákimi bolyp jumys istedi.
Berik Jákenov eńbek jolyn 2000 jyly Kókshetaý qalasynyń Salyq polısııasy organdarynan bastady. 2002-2007 jyldary Temirtaý qalasy boıynsha Salyq komıtetiniń jetekshi jáne bas mamany qyzmetterin atqardy. Sondaı-aq ár jyldary Qaraǵandy oblysynyń ákimdiginde, Qarjy mınıstrliginde qyzmet atqarǵan.
2015 jyly Prezıdent Ákimshiligi Basshysynyń Hatshylyǵy meńgerýshisiniń orynbasary bolyp taǵaıyndaldy. 2016 jyldan bastap Nur-Sultan qalasy ákimi apparatynyń basshysy laýazymyn atqardy, 2019 jyldan bastap Nur-Sultan qalasy Esil aýdanynyń ákimi bolyp jumys istedi.
Elorda ákimi Altaı Kólginov orynbasarlaryna qalany júıeli damytý jóninde birqatar mindet júktedi.
Buǵan deıin Altaı Kólginovtiń orynbasary bolǵan Ashat Oralov pen Asqar Ámrın basqa jumysqa aýysýyna baılanysty qyzmetterinen bosatyldy.
