Kollajdy jasaǵan Záýresh Smaǵul, «EQ»
Basty maqsat – árbir óńirdegi negizgi ári eń ózekti degen máselelerge qarjy jetýi kerek. Senat qabyrǵasyndaǵy depýtattar da óńirlerden saılanǵan, árbir aımaqtyń mán-jaıyn, jaǵdaıyn, halyqtyń turmys-tirshiligin jaqsy biledi. Sondyqtan bizdiń jumys tobymyz óte joǵarǵy deńgeıde qyzmet etýde.
Negizgi maqsatymyz respýblıkalyq bıýdjetten bólinetin transfertterdiń kózdegen nysanyna jetýi bolyp otyr. Bul – negizgi sıpattaǵy transfert, odan keıin maqsatty transfertterdiń óńirlerge bólinetin kólemi de asa mańyzdy másele qatarynda.
Mysaly, ár óńirdiń ártúrli problemalary bar. Atyraý óńirinde aýyz sýǵa, ekologııaǵa jáne jolǵa qatysty máseleler bar. Batys Qazaqstan oblysynda elektr energııasyna qatysty túıtkilder baıqalady. Ońtústik óńirlerde halyq sanynyń ósýine baılanysty mektepterdiń qurylysyna qajetti qarajat kerek. Biz osy qarjynyń tıisti óńirdegi ózekti máselelerdi sheshýge jumsalýyn qadaǵalaý úshin jergilikti atqarýshy organdarmen, mınıstrliktermen birlesip jumys tobyn qurdyq jáne olarmen jumys istep jatyrmyz.
Serikbaı TRUMOV,
Senat depýtaty
