Sýbsıdııaǵa qatań baqylaý qajet

Aýyldy asyl qazyna, baı­ly­ǵy­myz, ulttyq qundylyq­tary­myzdyń saqtalatyn qa­sıet­ti mekeni retinde ǵana qa­byl­daýmen qatar onyń tú­gel eldiń damýyna eleýli áser etetin draıver retinde de or­­nyn bilýimiz kerek. Aýyl sha­rýa­shylyǵy salasyna erekshe mən berip, ony jan-jaqty da­my­týǵa, sóıtip aýyldardy saq­­tap qalýǵa kúsh salatyn kez áldeqashan keldi.

Halyqtyń, əsirese aýyl jas­tarynyń ata kəsipke bet buryp, shyn yqylaspen jumys istep, óz kəsibin ashyp, eńbeginiń nətıjesin kórýge ynta-jigerin arttyrý úshin de memleket tarapynan qarjylyq, moraldyq, kəsibı turǵyda qoldaý jasaý kerek. Aýyl sharýashylyǵy salasyn, onyń ishinde mal, egin sharýashylyǵyn is júzinde damy­tamyz desek, memleket­tik qol­daý, damytý baǵytyn­da naqty reformalar jasaý mańyzdy.

Prezıdent Qasym-Jomart Toqaev Jańa Qazaqstandy qurýǵa qatysty Úndeýinde de, keshegi Úkimet otyrysyndaǵy baıandamasynda da aýyldardy damytýdyń eldegi memlekettik basqarýdyń jańa joldaryn atap ótti. Onyń aıtýyn­sha, sońǵy 5 jylda aýyl sharýa­shylyǵyn damytýǵa 2 trln teńgeden astam qarjy bólingen. Degenmen sýbsıdııa kólemi qansha ósse de, bul salada aýyz toltyryp aıtatyn ózgeris bolǵan joq. Prezıdent bul máseleni Aýyl sharýashylyǵy mınıstrligi men ákimdikter sýbsıdııany taratyp berýmen ǵana aınalysqanymen baılanystyryp otyr. Elimizde bul salada eshqandaı taldaý jasalmady, qarjynyń tıisti maqsatqa jumsalýyn da eshkim baqylaýǵa almaǵan. Sondyqtan da sýbsıdııa túpki ıesine jetpegen. Prezıdent bul máseleni Úkimet otyrysynda atap ótip, shara qabyldaıtyn kez kelgenin anyq aıtty. О́ıtkeni aýyl sharýashylyǵyna esh qatysy joq salalar da onyń qyzyǵyn kórip jatyr. Buǵan Sybaılas jemqorlyqqa qarsy is-qımyl agenttigi sońǵy jyldary tergeýge alǵan 960 qylmystyq is dálel. Joǵaryda aıtyp ótkenimdeı, aýylǵa tek rýhanı qundylyqtardyń besigi retinde ǵana qaramaý kerek. Bul salaǵa tıisti kóńil bólmesek, agroónerkásip kesheni shıkizat óndirýden ary asa almaı qalady. Al shıkizat óndirý de shekteýli ekenin bilemiz. Sondyqtan aýyldarǵa baǵyttalǵan sýbsıdııany baqylaıtyn biryńǵaı aqparattyq júıe qajet. Aýyl sharýashylyǵyna jastardy da jumyldyryp, bul salada jetistikke jetýge bolatynyn kórsetý mańyzdy.

Aýyl halqynyń turmys jaǵ­daıyn arttyrý sol eldi meken ákiminiń basty maqsaty bolýǵa tıis. Aımaqtaǵy ju­mys oryn­darynyń ashylýy, kəsip­pen aı­na­lysatyn kəsipkerlerdi tabý, ol kəsiptiń aıaqqa turýyn tikeleı baqy­lap, qoldaý kórsetý ákim­dik­ter­ge Úkimet tarapynan zań júzin­de mindettelgeni jón. Bul zań júzinde bekitilgen mehanızmdermen qatar olarǵa jaýaptylyq júktelgeni durys dep oılaımyn.

Nurbates TOBAǴABYLOVA,

qoǵam belsendisi

Aqtóbe