«Saryarqa» jeńiske jetti

Qaraǵandynyń «Saryarqa» hokkeı klýby joǵarǵy hokkeı lıgasynyń 1/4 fınalynda Krasnodardyń «Kýban» komandasyn 6:3 esebimen utty. Bul týraly Qazaqstan hokkeı federasııasy habarlady. Kezdesýde  «Saryarqanyń» quramyndaǵy Vladıslav Lýchkın úsh shaıba soqty. Al  Dmıtrıı Samarın, Konstantın Makarov pen Kırıll Lebedev bir-bir shaıbanyń avtory atandy. Bul – Qaraǵandy komandasynyń óz alańyndaǵy ekinshi jeńisi. Osynyń aldynda alań ıeleri «Kýbandi» 5:3 esebimen jeńgen bolatyn. Joǵarǵy hokkeı lıgasynyń 1/4 fınalynda taǵy alty komanda kúsh synasýda. Olardyń bári de eki oıyndaryn ótkizdi. Keshe «Toros» «Býrandy» 3:2, «Dızel» «Rýbındi» 3:1 esebimen utsa, «Iýjnyı Ýral» «Molot-Prıkameni» 4:1 esebimen jeńdi. Sóıtip, «Saryarqadan» basqalarynyń bári jalpy esepte qarsylastarymen 1:1 esebimen teńesti. Al «Saryarqa» Krasnodardyń komandasyn eki kezdesýde utyp, ázirshe 2:0 esebimen alda keledi. Endi atalǵan klýbtardyń kelesi kezdesýleri Krasnodarda 22-23 naýryz kúnderi ótedi. Dastan Kenjalın. Derekkóz: www.vhl.ru.ru Foto: www.vhl.ru.ru