Bıyl Taldyqorǵan mańynda ornalasqan Kóktal aýylynyń turǵyndary tabıǵı gazǵa qosyldy.
«Kesheden beri on úıge gaz tartyldy. Gaz baǵasy - 31 teńge 70 tıyn. Qazir basqa úılerdi qosyp jatyrmyz», dedi «JetisýOblGaz» JShS basshysy Zııash Qııaqbaev.
Buryn aýyl turǵyndarynyń gazǵa qol jetkizýine qubyrlardyń buzylýy kedergi bolatyn. Aqyry jóndeý jumystary júrgizilip, qańtarda barlyq aqaýlar joıyldy. Qubyrlar beriktikke, tyǵyzdyqqa arnalǵan synaqtardan tolyǵymen ótti. Sapasy tómen materıaldar almastyryldy.
Gazdy alǵashqylardyń biri bolyp Ońalbaı Jeksenbınov iske qosty. Ol osy aýylda 20 jyldan astam ýaqyt turady. Onymen birge 77 jastaǵy anasy Kenjeqyz Kenanova men 82 jastaǵy ákesi Isataı Isanov turady. Olar qýanyshtaryn jasyra almaı, rızashylyǵyn bildirýde.
«Buryn biz kómir tasyp, aǵash kesetinbiz. Endi bizge gaz qosyldy, bul tirshilik úshin áldeqaıda yńǵaıly. Bizdiń ýaqytta ondaı bolǵan joq», dep bólisti Isataı Isanov.
Aıta ketsek, jyl basynan beri óńirde 164 eldi meken gazdandyryldy.
