«Jalpy parlament reglamenti men Konstıtýsııalyq zań boıynsha depýtattyq top tirkelgennen keıin parlamenttik tyńdaýlar uıymdastyrýǵa, depýtattyq saýaldar joldaýǵa, kez kelgen úkimettik uıymnyń basshysyn shaqyrýǵa, esepter alýǵa, qujattar suratýǵa quqyly. Esterińizde bolsa, sońǵy shaqyrylymda depýtattyq toptar bolǵan joq. Eń aldymen, biz Májilistiń, Parlamenttiń jumysyn barynsha jandandyrýǵa, áleýetti durys paıdalanýǵa, ishki reformalardy júzege asyrýǵa kómektesýge tıispiz. Kóptegen baǵdarlamalar synǵa alyndy», dedi Aıdos Sarym baspasóz máslıhatynda.
Májilismen búgingi tańda depýtattar Qorǵas kedeni, kádege jaratý alymy, Almatydaǵy «Altyn orda» naryǵy boıynsha máselelerdi baqylaýda ustap otyrǵanyn aıtty.
«Bizdiń oıymyzsha, eger bul suraqtarǵa aralaspasaq, baqylamasaq, onda olar keshiktirilýi nemese tipti oryndalmaýy múmkin. Bul máselelerde biz BAQ-pen, saıası kúshtermen tyǵyz ózara is-qımyl jasap, eldegi saıası-ekonomıkalyq jáne basqa da reformalar men jańǵyrtý úderisterin ilgeriletý úshin jumys isteıtin bolamyz», dep túıindedi Aıdos Sarym.
