Atalǵan Zań jobasy QR Prezıdentiniń bıylǵy Joldaýyndaǵy tapsyrmalardy júzege asyrý maqsatynda daıyndalǵan.
Ekologııa, geologııa jáne tabıǵı resýrstar mınıstrliginiń vıse-mınıstri Álııa Shalabekova Zańdy tanystyrý barysynda qandaı aıyppuldardyń kólemi ulǵaıatynyn aıtty.
Mınıstrlik zańsyz aǵash kesýdiń turaqty dınamıkasyn eskere otyryp, eleýli zalal kórsetkishin 100-den 50 AEK-ke deıin; iri zalaldy 1000-nan 500 AEK-ke deıin tómendetýdi usyndy. Bul rette asa iri zalal kórsetkishi ózgerissiz qalady jáne 2000 AEK quraıdy.
«Sondaı-aq, 324, 325, 326, 328, 329, 330 jáne 333-baptardaǵy «qorshaǵan ortaǵa keltirilgen zalal» uǵymynyń qylmystyq zańnamada quqyqtyq anyqtamasy bolmaǵandyqtan, «zalal» degen uǵymmen aýystyryldy. Qoǵamdyq qaýipti zardaptardy anyqtaýǵa qatysty uǵymdar Qylmystyq kodekste «iri zalal jáne iri mólsherde» jáne «erekshe iri zalal jáne asa iri mólsherde» dep bekitilgen (QK 3-baby)», dedi vıse-mınıstr.
Sondaı-aq, qorshaǵan ortaǵa zııan keltirgeni úshin jaýapkershilikti kúsheıtý maqsatynda kelesi ózgerister engizildi:
Erekshe qorǵalatyn tabıǵı aýmaqta asa iri zııan keltirgeni úshin jazanyń neǵurlym qatań túrin kózdeıtin 332-bap «Jerdi joıý» jańa 3-bólimmen tolyqtyryldy.
«Jer qoınaýyn óz betinshe paıdalaný» 334-babynda jazanyń bultartpastyǵyn qamtamasyz etý jáne jer qoınaýyn zańsyz óndirýge jol bermeý maqsatynda 334-baptyń 1-bóligi qylmystyq teris qylyq sanatynan qylmysqa aýystyryldy, dıspozısııada qylmystyq quqyq buzýshylyq jasaý keltirilgen zııan mólsheriniń shekti mólsheri tómendetildi, ıaǵnı iri mólsherden eleýli zalalǵa deıin tómendetilip, 3 jylǵa deıin bas bostandyǵynan aıyrý túrindegi jazany engizý arqyly sanksııa kúsheıtildi. Osy baptyń 2-bóliginiń sanksııasy da 3 jyldan 4 jylǵa bas bostandyǵynan aıyrý túrindegi jazany qatańdatý arqyly ózgertildi. 3-bóliginde erekshe qorǵalatyn tabıǵı aýmaqta asa iri zalal keltirgeni úshin jazanyń neǵurlym qatań túrin qarastyrý usynylady.
Aǵashtardy zańsyz kesken jaǵdaıda kinálilerge qoǵamdyq jumystarǵa tartý nemese az aıyppuldar taǵaıyndalǵan. Jasalǵan áreket úshin taǵaıyndalǵan jaza keltirilgen zııanǵa proporsıonaldy emes bolatyn. Osyǵan oraı, «Aǵashtar men butalardy zańsyz kesý, joıý nemese zaqymdaý» 340-bapta bul buzýshylyqty teris qylyq sanatynan qylmys sanatyna aýystyrý bóliginde ózgertýler engizildi.
«Erekshe qorǵalatyn tabıǵı aýmaqtar rejımin buzý» 342-baptyń 1-bóliginde aıyppul 120 AEK-den 200 AEK-ge deıin kúsheıtildi, qoǵamdyq jumystar saǵaty 120 dan 200 saǵatqa deıin kóbeıdi.
Qylmystyq-prosestik kodeksine kelesi ózgerister men tolyqtyrýlar engizý kózdeledi:
«Tergeýlik» 187-babyna ózgerister engizildi, tergeý organdary 334-baptyń úshinshi bóliginde kózdelgen isterdi jáne 342-baptyń tórtinshi bóligimen kózdelgen aýyr qylmystar sanatyna jatatyn asa iri zalal keltirý boıynsha isterdi tergeý organdary qaraıdy.
191-bapqa «Anyqtaý nysanynda jáne hattamalyq nysanda júrgiziletin sotqa deıingi tergep-tekserý» ózgerister engizildi. 334-baptyń birinshi bóligi aýyr emes qylmystar sanatynan aýyrlyǵy ortasha qylmystarǵa aýystyrylyp, iri zııannan eleýli zalalǵa, al ekinshi bóliginde asa iri zııannan iri zııanǵa aýystyrylýyna baılanysty sotqa deıingi is-júrgizý tergeý nysanynda júrgiziletin bolady.
Iri zalal keltirýdi kózdeıtin, 342-bap úshinshi bólikpen tolyqtyrylýyna baılanysty, bul bólik tergeý nysanynda qaralady. Qylmystyq quqyq buzýshylyqtan ortasha aýyrlyqtaǵy qylmysqa aýysýyna baılanysty 340-baptyń ekinshi jáne úshinshi bólikteri hattamalyq nysannan tergeý nysanyna aýystyryldy.
