Ortalyq kommýnıkasııa qyzmetinde Astana qalalyq mádenıet basqarmasynyń basshysy Bolat Majaǵulov jáne ákimdiktiń ishki saıasat basqarmasynyń basshysy Bolat Tilepovtiń qatysýymen brıfıng bolyp ótti. Onda Astana qalasynda Ulystyń uly kúni – Naýryz merekesin atap ótýge baılanysty josparlanǵan sharalar aýqymy tilge tıek etildi.
Qala boıynsha Naýryz meıramyn merekeleý aıasynda 13-25 naýryz aralyǵynda 300-den astam merekelik sharalardyń uıymdastyrylýy kózdelgen. Ol sharalar qalanyń konserttik alańdarynda, mekeme jáne kásiporyndarynda ótkizilmek.
Balabaqsha men mektepter qabyrǵasynda Naýryz meıramyna arnalǵan túrli mádenı sharalar men konserttik baǵdarlamalar ótedi. Onda ulttyq taǵamdar dastarqanǵa qoıylyp, ulttyq óner ulyqtalady. Al joǵary oqý oryndaryndaǵy Naýryzǵa arnalǵan keshendi is-sharalarǵa 400-den astam stýdent jumyldyrylady. Mereke kúnderi áleýmettik jaǵynan az qamtylǵan turǵyndar da nazardan tys qalmaıdy. Az qamtamasyz etilgen 590 otbasyǵa 2 mıllıon 850 myń teńge kóleminde birjolǵy qarjylaı kómek kórsetildi. 22 naýryz «Dýman» oıyn-saýyq ortalyǵynda múmkindigi shekteýli balalarǵa arnalǵan merekelik qoıylym kórsetiledi. Sondaı-aq, áleýmettik kómek retinde 500-ge jýyq azyq-túlik qorjyndary taratylady.
Naýryz merekesin toılaýǵa arnalǵan negizgi merekelik sharalar keshe «Qazaq eli» monýmenti alańynda ótti. Qalalyq mádenıet basqarmasynyń basshysy B.Majaǵulovtyń aıtýynsha, merekelik sharalarǵa Almaty, Pavlodar, Aqtóbe, Atyraý, Jambyl, Soltústik Qazaqstan jáne Aqmola oblystarynyń óner ujymdarynan 350-den astam ónerpaz qatysty. Naýryz merekesiniń negizgi sharalary 21-22 naýryz kúnderi ótýde. Alańǵa 40 kıiz úı, 5 shatyr tigilip, 3 sahna ornatylǵan. Mádenıet basqarmasy basshysynyń aıtýynsha, barlyq qarjy kózderinen qalany bezendirý sharalaryna 125 mıllıon teńge, al merekelik sharalarǵa 150 mıllıon teńge qarjy jumsalǵan.
Astana qalasy ákimdigi ishki saıasat basqarmasynyń basshysy Bolat Tilepovtiń aıtýynsha, mereke sheńberinde áleýmettik mańyzy bar sharalarǵa basa mán berilip otyr. Bıylǵy baǵdarlamada 16 áleýmettik joba bar. Onyń ishinde jaǵdaıy tómen otbasylarǵa, jalǵyzilikti zeınetkerlerge materıaldyq kómekten bólek, qarttar úıinde, múgedekter emhanasynda merekelik dastarqan basynda túrli qoıylymdar kórsetiledi. Sonymen birge, sırkte, qalamyzdyń barlyq kınoteatrlarynda jetim jáne ata-ananyń qamqorlyǵynsyz qalǵan balalarǵa tegin sharalar kórsetiledi. Ishki saıasat basqarmasy basshysynyń aıtýynsha, mereke kúnderi qala turǵyndary men qonaqtaryna saýda ortalyqtarynda, oıyn-saýyq oryndarynda 10 paıyz jeńildiktermen saýda-sattyq jáne qyzmet kórsetiledi.
Ulystyń uly kúni, ıaǵnı 22 naýryzda qalalyq ákimdik janyndaǵy alańda keshki saǵat 19.00-de «Naýryz meıramy» merekesine arnalǵan úlken konsert bolady. Oǵan «Jigitter», «Dabyl», «Retro», «Jalyn» toptary, Marjan Arapbaeva, Jadı, Medet Shaıkelov jáne basqa otandyq estrada ónerpazdary qatysady.
Jylqybaı JAǴYPARULY,
«Egemen Qazaqstan».
Qala boıynsha Naýryz meıramyn merekeleý aıasynda 13-25 naýryz aralyǵynda 300-den astam merekelik sharalardyń uıymdastyrylýy kózdelgen. Ol sharalar qalanyń konserttik alańdarynda, mekeme jáne kásiporyndarynda ótkizilmek.
Balabaqsha men mektepter qabyrǵasynda Naýryz meıramyna arnalǵan túrli mádenı sharalar men konserttik baǵdarlamalar ótedi. Onda ulttyq taǵamdar dastarqanǵa qoıylyp, ulttyq óner ulyqtalady. Al joǵary oqý oryndaryndaǵy Naýryzǵa arnalǵan keshendi is-sharalarǵa 400-den astam stýdent jumyldyrylady. Mereke kúnderi áleýmettik jaǵynan az qamtylǵan turǵyndar da nazardan tys qalmaıdy. Az qamtamasyz etilgen 590 otbasyǵa 2 mıllıon 850 myń teńge kóleminde birjolǵy qarjylaı kómek kórsetildi. 22 naýryz «Dýman» oıyn-saýyq ortalyǵynda múmkindigi shekteýli balalarǵa arnalǵan merekelik qoıylym kórsetiledi. Sondaı-aq, áleýmettik kómek retinde 500-ge jýyq azyq-túlik qorjyndary taratylady.
Naýryz merekesin toılaýǵa arnalǵan negizgi merekelik sharalar keshe «Qazaq eli» monýmenti alańynda ótti. Qalalyq mádenıet basqarmasynyń basshysy B.Majaǵulovtyń aıtýynsha, merekelik sharalarǵa Almaty, Pavlodar, Aqtóbe, Atyraý, Jambyl, Soltústik Qazaqstan jáne Aqmola oblystarynyń óner ujymdarynan 350-den astam ónerpaz qatysty. Naýryz merekesiniń negizgi sharalary 21-22 naýryz kúnderi ótýde. Alańǵa 40 kıiz úı, 5 shatyr tigilip, 3 sahna ornatylǵan. Mádenıet basqarmasy basshysynyń aıtýynsha, barlyq qarjy kózderinen qalany bezendirý sharalaryna 125 mıllıon teńge, al merekelik sharalarǵa 150 mıllıon teńge qarjy jumsalǵan.
Astana qalasy ákimdigi ishki saıasat basqarmasynyń basshysy Bolat Tilepovtiń aıtýynsha, mereke sheńberinde áleýmettik mańyzy bar sharalarǵa basa mán berilip otyr. Bıylǵy baǵdarlamada 16 áleýmettik joba bar. Onyń ishinde jaǵdaıy tómen otbasylarǵa, jalǵyzilikti zeınetkerlerge materıaldyq kómekten bólek, qarttar úıinde, múgedekter emhanasynda merekelik dastarqan basynda túrli qoıylymdar kórsetiledi. Sonymen birge, sırkte, qalamyzdyń barlyq kınoteatrlarynda jetim jáne ata-ananyń qamqorlyǵynsyz qalǵan balalarǵa tegin sharalar kórsetiledi. Ishki saıasat basqarmasy basshysynyń aıtýynsha, mereke kúnderi qala turǵyndary men qonaqtaryna saýda ortalyqtarynda, oıyn-saýyq oryndarynda 10 paıyz jeńildiktermen saýda-sattyq jáne qyzmet kórsetiledi.
Ulystyń uly kúni, ıaǵnı 22 naýryzda qalalyq ákimdik janyndaǵy alańda keshki saǵat 19.00-de «Naýryz meıramy» merekesine arnalǵan úlken konsert bolady. Oǵan «Jigitter», «Dabyl», «Retro», «Jalyn» toptary, Marjan Arapbaeva, Jadı, Medet Shaıkelov jáne basqa otandyq estrada ónerpazdary qatysady.
Jylqybaı JAǴYPARULY,
«Egemen Qazaqstan».
