Lombardtar óz klıentteriniń kúdikti áreketteri men olardyń operasııalarynyń keıbir aspektilerine erekshe nazar aýdarýy kerek. Kúdikti operasııalarǵa bir tulǵanyń zergerlik buıymdardy nemese basqa da qundylyqtardy keıinnen óteýsiz júıeli túrde berýi, múliktiń ártúrli túrlerin kepilge qoıyp, lombardtardan nesıeni jıi alýy, obektiniń sharttyq jáne naqty qunynyń aıqyn sáıkessizdigi jatady.
Zańsyz jolmen alynǵan qarajattyń aınalymyna jol bermeý maqsatynda Qarjylyq monıtorıng agenttigi lombardtardyń óz klıentteriniń shekti jáne kúdikti operasııalary týraly aqparatty habarlaý mindetin eske salady.
О́tken jyldyń qorytyndysy boıynsha qarjylyq operasııalar týraly habarlama jibermeıtin birqatar lombardtar anyqtaldy.
Mundaı lombardtardyń tizbesi agenttiktiń QMS WEB-portalynda ornalastyrylady jáne zańnamada belgilengen tıisti sharalardy qabyldaý úshin Qarjy naryǵyn retteý jáne damytý agenttigine (budan ári – QNRDA) joldanady. 2018-2020 jyldary QNRDA mıkroqarjy uıymdaryna 93 tekserý, onyń ishinde lombardtarǵa júrgizdi. 17,3 mln teńge somasyna aıyppul salýmen 43 ákimshilik hattama toltyryldy. Atalǵan jumys aldaǵy ýaqytta da kúsheıtiletin bolady.
Kiristerdi jylystatýǵa jáne terrorızmdi qarjylandyrýǵa qarsy is-qımyl salasyndaǵy zańnama talaptaryn saqtamaýmen baılanysty keleńsiz saldarlardy joıý maqsatynda, agenttikke qarjylyq operasııalar týraly habarlaý mindettiligin eske salamyz. Sondaı-aq agenttikke aqparat berý talaptaryn buzý nemese aqparatty jasyrýǵa aralasý mıkroqarjy qyzmetin júzege asyrýǵa berilgen lısenzııadan aıyrý úshin negiz bolýy múmkin, sondaı-aq Qazaqstan Respýblıkasynyń zańnamasynda kózdelgen jaýapkershilikke ákep soǵatynyn atap ótemiz.
