Nysannyń uzyndyǵy 13 metrdi, bıiktigi 1,9 metrdi quraıdy. Bekireniń jaqtaýy metaldan, syrtqy bóligi óz tehnologııasyna sáıkes armatýralanǵan shyny matany qoldana otyryp jasalǵan. Dızaın polıefır shaıyrymen qorǵalǵan, kórkem keskindeme maıly boıaýmen jasalǵan jáne arnaıy lakpen qorǵalǵan.
Teńiz jaǵalaýyna bekire ınstallıasııasynyń ıdeıa avtorlary ornalastyrylý sebebin bul balyq túriniń dúnıe júzindegi jalpy kóleminiń 80%-dan astamy HH ǵasyrdyń birinshi jartysynda Kaspıı aýmaǵyn mekendegendigimen túsindiredi. Qazir bul túr shekten tys ónerkásiptik aýlaý saldarynan joıylý aldynda tur. 2001 jyly Kaspıı alabyndaǵy tórt el – Qazaqstan, Reseı, Ázerbaıjan jáne Túrikmenstan bekire tuqymdas balyqtardy aýlaýǵa ýaqytsha moratorıı qabyldady. Moratorıı Birikken Ulttar Uıymynyń usynymymen joıylý qaýpi tóngen túrlerdiń halyqaralyq saýdasy týraly Konvensııa negizinde engizilgen.
Kóptústi músin naqyshynda jasalǵan jáne kórkem keskindememen bezendirilgen bul ınstallıasııa biregeı janýarlar álemine qamqorlyqpen qaraýdyń mańyzdylyǵynyń nyshany retinde ornatyldy.
Mańǵystaý oblysy
