Zardap shekken azamatshanyń anasy Larısa Melnıkova Nur Otan partııasynyń Almaly aýdandyq fılıalynyń qoǵamdyq qabyldaý bólmine júgindi. Onyń aıtýynsha, jol apaty saldarynan onyń qyzy aýyr dene jaraqattaryn alyp, aýrýhanaǵa túsken. Al Interteach saqtandyrý kompanııasy qoldanystaǵy halyqaralyq saqtandyrý sharty boıynsha kelisilgen talaptardy oryndaýdan bas tartyp, týrıstke járdem kórsetpegen.
Qazaqstandyq týrısttiń súıekterin qalpyna keltirý úshin 2 shuǵyl operasııa jasaldy. Alda taǵy úsh operasııa ótkizý qajet. Úsh kúndik emdeý men otaǵa emhana 6 myń dollar shot shyǵarǵan. Qalǵan 2 otany jasatý úshin aýrýhanada mamandar men arnaıy qurylǵylar joq. Veronıkany basqa aýrýhanaǵa tasymaldaý da qıyndyq týǵyzyp otyr.
Almatyda Nur Otan-nyń qalalyq máslıhattaǵy depýtaty Záýresh О́mirbaeva men nurotandyq, zań konsýltanttary palatasynyń múshesi Nurlan Slıamov QR SIM-ge tıisti hat joldap, kómek kórsetýge kiristi.
Sondaı-aq týrısttiń barlyq qoljetimdi sharttary men medısınalyq qujattary zertteldi. Búgingi kúni partııanyń Almaty qalalyq fılıaly saqtandyrý tólemderin óndirip alý boıynsha jumys júrgizýde. Barlyq is-sharalar senimhat pen óteýsiz negizde júzege asyrylyp jatyr.
