Atalǵan stıpendııalar jyl saıyn Memleket basshysynyń Jarlyǵymen eldiń mádenı salasyn saqtaýǵa jáne damytýǵa úles qosqan shyǵarmashyl qyzmetkerlerdi qoldaý maqsatynda beriledi.
Bıyl memlekettik stıpendııa ádebıet pen ónerdiń 74 qaıratkerine taǵaıyndaldy. Stıpendııaǵa ıe bolǵandar qatarynda
Oljas Súleımenov, Dýlat Isabekov, Sofy Smataev, Asanáli Áshimov, Aqushtap Baqtygereeva, Myrzataı Joldasbekov, Sábıt Dosanov, Bıbigúl Tólegenova, Iýrıı Pomeransev, Doshan Joljaksynov jáne t.b. maıtalmandar bar. Sonymen qatar, Rýhııa Baıdúkenova, Beıbit Sarybaı, Saıda Qalyqova, Erjan Maksım, Naýryz Ernat, Temirlan Oljabaı sekildi jas daryndarǵa memlekettik qoldaý kórsetildi.
Mınıstr saltanatty rásimdi asha otyryp, marapat ıelerin shyn júrekten quttyqtap, Memlekettik stıpendııalardy tapsyrý - olardyń otandyq mádenıetti damytýǵa qosqan eleýli úlesin moıyndaý ekenin atap ótti.
Sondaı-aq, mınıstr bıyl elimiz Ahmet Baıtursynulynyń 150 jyldyǵyn, Muhtar Áýezovtyń 125 jyldyǵyn, Ázilhan Nurshaıyqov pen Roza Baǵlanovanyń 100 jyldyq mereıtoılaryn atap ótetindigin eske saldy.
Kezdesý sońynda Dáýren Abaev rásimge qatysýshylarǵa shyǵarmashylyq tabys jáne otbasylyq baqyt tiledi.
