«Berekeli áıel» jobasy týraly estigen Gúlbaný Jasybaeva kásipkerlik salasyndaǵy qyr-syrdy meńgerip, damýǵa bel baılaǵan.
Nátıjesinde joba aıasynda bıznes-jospar qurýdy úırenip, kásipkerlerge bólinetin shaǵyn granttardan habardar bolady.
Jastaıynan qolóner buıymdaryn jasaýǵa beıim Gúlbaný osy qabiletin kásipke aınaldyryp, aýyldastarymen birge kórpe jabdyqtaryn, súlgi sekildi buıymdardy tigip kásibin bastaǵan.
Azamattyq bastamalardy qoldaý ortalyǵy usynatyn shaǵyn granttar konkýrsynda da jeńimpaz atanyp, úı janynan atele ashyp, eki sheber qyz-kelinshekti jumyspen qamtyp otqan ol aýyldastarynan keńesin aıamaıdy.
«Dostyq aýyly turǵyndarynyń WhatsApp-ta ortaq chaty bar. Men aýyldastaryma únemi baıqaýlarǵa qatysýǵa, kóptegen memlekettik granttarǵa ıe bolýǵa keńes beremin. Qyzyǵýshylyq tanytqandardyń barlyǵyna ótinimdi qalaı durys toltyrý kerektigin, nege nazar aýdarý kerektigin aıtamyn. Damý joldaryn izdeý kerek, qoldy qýsyryp otyrýdyń jóni joq», deıdi Gúlbaný Jasybaeva.
