О́tetini aldyn-ala habarlanǵan sharaǵa qala turǵyndary kóp keldi. Ádettegideı, turǵyndar áleýmettik qamsyzdandyrý, jer kadastryn tirkeý, jyljymaıtyn múlikke quqyqtardy tirkeý, zańdy tulǵalardy tirkeý máseleleri boıynsha suraqtarmen kelgen.
Alaıda, azamattardy qabyldaý barysynda uıymdastyrýshylar kútpegen máseleler de oryn aldy. Qabyldaýǵa kelgenderdiń 50 paıyzynyń suraǵy - «Qazaqstan halqyna» qoǵamdyq qorynan qalaı kómek alýǵa bolady degen sıpatta boldy. Osy máselemen arnaıy kelgender de boldy. «Ondaı aqparatty qaıdan alyp júrsizder?» degen saýalǵa, «Qordan kómek alý úshin HQO-ǵa júginý kerek» degen qaýesetti qulaǵy shalǵandaryn aıtty.
«Ashyq esik kúnderi aldaǵy ýaqytta da jalǵasatyn bolady. Munda azamattardyń memlekettik qyzmet alý máselelerine qatysty suraqtaryna jaýap berip, týyndaǵan problemalary bolsa sheshilýine kómektesetin bolamyz. Biraq, «Qazaqstan halqyna» qoryna qatysty suraqtar bizdiń quziretimizge jatpaıdy. Sondyqtan, azamattarǵa eskertetinimiz, qorǵa qatysty suraqtarmen HQO-ǵa kelip, ýaqyttaryn joǵaltpasa eken», deıdi «Azamattarǵa arnalǵan úkimet» MK KE AQ Almaty qalasy boıynsha fılıalynyń dırektory Ermek Bekjúnisov.
Sharany uıymdastyrýshylar qazirgi kezde ózekti bolyp turǵan «Qazaqstan halqyna» qorynan kómek suraýǵa muqtaj jandarǵa www.qazaqstanhalqyna.kz saıty arqyly qaıyrymdylyq kómekke qalaı júginýge bolatyny týraly qadamdyq nusqaýlardy «О́tinishti qalaı bere alamyn» bóliminen bilýge bolatynyn eskertti.
Is-shara barysynda 60-tan astam azamatqa konsýltatıvtik kómek kórsetildi, keıbir máseleler Azamattarǵa arnalǵan úkimettiń Almaty fılıaly men Memlekettik qyzmet isteri agenttigi óz quzyretiniń sheginde baqylaýǵa aldy.
