MQTT-tasýshy qurylǵylar men bergishterden derekterdi berý úshin eń keńinen taralǵan hattama. Bul tek medısınalyq ǵana emes, sonymen qatar barlyq aqyldy gadjetterde de qoldanylady. MQTT-da sáıkestendirý mindetti emes jáne shıfrlaýdy sırek qamtıdy, sondyqtan hattama «Adam ortada» sııaqty shabýyldarǵa ushyraıdy. Olardyń máni – shabýyldaýshy jábirlenýshiniń veb-trafıgin «ózi arqyly», jábirlenýshi bilmeıtin arnaıy aralyq túıin arqyly «ótkizedi». Osylaısha, ınternet arqyly beriletin kez kelgen derekterdi, sonyń ishinde qupııa medısınalyq, jeke, tipti adamnyń qozǵalysy týraly aqparatty alýǵa bolady.
«Pandemııa ishinara álemdegi telemedısına naryǵynyń katalızatoryna aınaldy. О́ıtkeni shekteýler jaǵdaıynda adamdar medısınalyq kómekti eń quryǵanda qashyqtan alýǵa múmkindik izdedi. Biraq telemedısına – dárigerlerdiń qashyqtan keńes berýi ǵana emes, sonymen qatar tasýshy qurylǵylar men jaǵdaıdy baqylaýǵa arnalǵan bergishter sııaqty elementter. Bul tehnologııalar, árıne, progressıvti, biraq olardy qoldaný aqparattyq qaýipsizdik táýekelderimen baılanysty. Mundaı gadjetterdi qoldanbas buryn kompanııa men pasıentter derekteriniń urlanýyna nemese qoldy bolýyna jol bermeý úshin olardyń qaýipsizdik deńgeıi týraly múmkindiginshe kóbirek bilý kerek», deıdi Kaspersky Ortalyq Azııadaǵy kommersııalyq dırektory Valerıı Zýbanov.
2014 jyldan bastap MQTT hattamasynda 90 osaldyq, sonyń ishinde synı osaldyqtar anyqtaldy. Olardyń kópshiligi úshin áli de patchter joq.
Naýqastardyń derekterin qaýipsiz saqtaý úshin Kaspersky telemedısına qyzmetteriniń ónim berýshilerine medısınalyq mekeme usynatyn qosymshanyń nemese qurylǵynyń qaýipsizdik deńgeıin tekserýdi, telemedısına úshin qosymshalarmen beriletin derekter kólemin múmkindiginshe barynsha azaıtýdy, qalyby boıynsha ornatylǵan qupııa sózderdi ózgertýdi jáne múmkin bolsa shıfrlaýdy qoldanýdy usynady.
