Úzdikter qatarynda Qazaqstan quramasynyń oıynshysy Dýglas Jýnıor da bar. Sondaı-aq Dýglastan bólek, bul tizimde Ýkraına quramasynyń qaqpashysy – Kırıll Sıpýn, chempıonattyń úzdik oıynshysy portýgalııalyq Zıkı, ıspanııalyq Serhıo Losano jáne Reseı quramasynyń kapıtany Sergeı Abramov bar.
Qart qurlyq birinshiliginde nátıjeli pas berý boıynsha birinshi oryn ıelengen qazaqstandyq Dýglas Jýnıor qatarynan úshinshi Eýrosyna (2016, 2018, 2022) qatysyp, úshinshi márte chempıonattyń shartty quramanyń tizimine enip otyr. Al reseılik Sergeı Abramov úzdikter tizimine ekinshi ret qosyldy. Ol alǵash ret 2016 jylǵy Eýronyń úzdik bestiginen kóringen edi.
Aıta keteıik, fýtzaldan Qazaqstan quramasy bıylǵy Eýropa chempıonatynyń shırek fınalynda Ýkraınadan jeńilip, jarysty aıaqtady. Al Ýkraına fýtzalshylary qola júlde úshin ótken oıynda Ispanııa quramasynan jeńilip qaldy. Fınalda Reseıdi 4:2 esebimen utqan Portýgalııa qatarynan ekinshi ret Eýropanyń teńdessiz quramasy atandy.
