«Esil oblysaralyq basseındik balyq sharýashylyǵy ınspeksııasynyń qyzmetkerleri balyq sharýashylyǵy sý aıdyndaryna monıtorıng júrgizý barysynda Esil ózeninde balyqtyń jappaı qyrylýyn boldyrmaý boıynsha jumys júrgizdi. Muz astynda ólgen balyq jınalyp, zerthanalyq zertteýge jiberildi», delingen komıtet baspasóz qyzmetiniń habarlamasynda.
Boljam boıynsha, balyq muz astynda otteginiń bolmaýy sebebinen qyrylýy bolýy múmkin.
«Aqmola oblysy Astrahan aýdany Novocherkasskoe aýylynyń mańynda Esil ózeninde 85 kg óli balyq jınaldy. QR AShM Veterınarlyq baqylaý jáne qadaǵalaý komıtetiniń Aqmola oblystyq aýmaqtyq ınspeksııasynyń ókilderimen birlesip baıqaý jumystary júrgizilýde. Qalǵan balyq sanıtarlyq normalardy saqtaı otyryp joıyldy», dep qosty vedomstvo.
Sondaı-aq Ekologııa mınıstrligi ózen sýyn májbúrli aerasııalaý úshin eki motopompa ornatylǵanyn habarlady, bul óz kezeginde muz astyndaǵy sýdy ottegimen qamtamasyz etý úshin úlken yntalandyrý bolmaq. Sý qoımasynyń jaı-kúıin baqylaý jalǵasýda.
Aıta ketsek, Esil ózeni balyq sharýashylyǵy sý aıdyndarynyń rezervtik qoryna kiredi.
