«Barreline 96 dollar - ıá, búgin osyndaı jańalyq estidik. Meniń aıtaıyn degenim, munaıǵa degen joǵary baǵa - bul birinshi kezekte bıýdjetke jáne QR Ulttyq qoryna túsetin joǵary túsimder. Vedomstvo osy jyly munaı óndirýdi 87,5 mln tonna deńgeıinde josparlady, onyń 17,9-y - ishki óńdeý», dedi Bolat Aqsholaqov Ortalyq kommýnıkasııalar qyzmetinde ótken brıfıngte.
Onyń pikirinshe, bunyń otandyq ekonomıka úshin oń tustary da bar.
«Munaıdyń qandaı kólemi eksportqa shyǵarylatynyn elestete alasyz ba? Sáıkesinshe, eger munaı baǵasy joǵary bolsa, joǵary túsimder de bar, munda jaman eshteńe joq», dep atap ótti mınıstr.
Alaıda, spıker jaǵymsyz jaqtaryna da toqtala ketti.
«Munaı baǵasy óte joǵary bolǵan kezde, bul sala úshin de jaqsy emes, óıtkeni barlyq biriktirilgen shyǵyn materıaldarynyń: qubyr ónimderine, hımııalyq reagentterge baǵa ósýde. Baǵalar da óse bastaıdy, ókinishke oraı, munaı baǵasy keıinirek tómendegen kezde, bul materıaldardyń baǵasy birdeı dınamıkada tómendemeıdi. Munaı óndirýshi kásiporyndardyń ekonomıkasy qazirdiń ózinde zardap shegýde. Sondyqtan, meniń oıymsha, yńǵaıly dálizdiń shegi, mysaly, 80 dollar tóńireginde bolsa, árıne, jaqsy. Álemdik naryqtaǵy munaıǵa qatysty jaǵdaıdyń qalaı damıtynyn qadaǵalaıtyn bolamyz», dep túıindedi Energetıka mınıstri.
