Balalar aýrýlary kafedrasyna esimi berildi

Atalǵan is-shara S.Asfen­dııa­rov atyndaǵy Qa­zaq ult­tyq medısına ýnı­ver­­sı­te­ti­niń medısına salasyna zor úles qosyp, eńbek sińir­gen dárigerler, professorlar men oqy­týshylardyń esim­derin máń­gilikke este qal­dyrý maq­sa­tyndaǵy «Taǵzym» aksııasy aıasynda atqaryldy. Osy arada Pedıatrııa jáne balalar hırýrgııasy ǵylymı or­ta­lyǵy S.Asfendııarov atyn­daǵy QazUMÝ-diń klı­nı­kalyq bazasy ekenin eske sala ketý kerek. Ǵylym, tájirıbe jáne bilim tu­tastyǵy qaǵı­da­laryn ustana otyryp, orta­lyq­tyń kóptegen mamandary bolashaq pedıatrlar daıarlanatyn balalar aýrýlary ka­fed­ra­sy­nyń oqytýshylary men klı­nıkalyq tálimgerleri bolyp sanalady.

Is-sharaǵa QazUMÝ rektory, professor T.Nurǵojın, Naǵıma Ahmet­qy­zynyń shá­kirt­­teri, uly – S.Asfen­dııa­rov atyndaǵy QazUMÝ-diń neırohırýrgııa kýrsy bo­ıynsha júıke aýrýlary ka­fed­rasynyń professory, «Qa­zaqstan Respýblıkasynyń nev­rologter qaýymdastyǵy» qo­ǵam­dyq birlestiginiń pre­zı­denti Erkin Nurǵojaev, Pe­dıatrııa ortalyǵynyń bas­­shy­lyǵy men ókilderi, sony­men qatar kafedra ujymy men jas dáriger-rezıdentter qa­tysty.

Naǵıma Ahmetqyzy 1924 jyly Semeı qalasynda dú­nı­e­ge kelgen. Qazaq medı­sı­­na ınstıtýtyn (qazir­gi Qazaq memlekettik medısına ýnıver­stıeti) (1945j), onyń aspırantýrasyn (1951) bitirgen. 1952-1965 jylda­ry Qazaqstan Densaýlyq saqtaý mınstrliginiń Pedıatrııa ǵy­l­­ymı-zertteý ınstıtýtynda bala aýrýlarynan saqtaný jáne olardy emdeý bóliminiń aǵa ǵylymı qyzmetkeri, meń­ge­rýshisi, dırektordyń orynbasary, 1965-1992 jyldary Qazaq memlekettik medısına ınstıtýtynyń kafedra meńgerýshisi, 1971-1991 jyldary fakýltettik, sodan ke­ıin gospıtaldyq pedıat­rııa kafedrasyn basqardy, bir mezgilde 1968-1979 jyldary pe­dıatrııa fakýltetiniń dekany qyzmetin atqardy.

Ol 1970 jyly «Pedıa­trııa» maman­dyǵy boıynsha medısına ǵylym­da­rynyń dok­tory ǵylymı dáreje­si­niń jáne KSRO MǴA pedıatrııa ǴZI doktorlyq dıssertasııasyn qor­ǵa­ǵan­nan keıin professor ǵylymı ata­ǵyn alǵan alǵashqy qazaq áıeli. Ýchaskelik dá­rigerden professorǵa deıin 60 jyl­dyq eńbek jolyn eńserip, Qazaq­stan­nyń pedıatrııalyq mek­te­biniń negizin qalady, Qazaq­stannyń joǵary bilikti ult­tyq ǵylymı kadrlarynyń al­ǵashqy ókili.

Onyń negizgi ǵy­lymı eń­bek­­teri kardıo­­logııa máse­­le­­lerine arnalǵan. N.Bar­­ly­­­bae­va balalarda (sonyń ishin­de jańa týǵan sábı­lerde) jú­rek-tamyr, búı­­rek, ókpe aýrý­larynyń pa­tolo­gııa­sy, mıokardıt, gı­pervı­tamınoz, rahıt aýrý­la­­rynyń belgi­le­rin anyqtaý, em­deý jáne odan saqtaný erek­­she­lik­terin zert­tedi.

Ǵylymǵa jáne densaýlyq saqtaý isine qosqan zor úlesi úshin Qazaq KSR Jo­ǵarǵy Keńe­siniń Qurmet gramotasymen, Densaýlyq saqtaý jáne Bilim mınıstrliginiń Qur­met gramotalarymen, She­teldermen dostyq jáne má­denı baılanystar jónin­degi Búkilodaqtyq qoǵa­my­nyń Qurmet gramotasymen, «Densaýlyq saqtaý isiniń úz­di­gi», «KSRO óner­tap­qy­shy», «Eren eńbegi úshin», «Le­nınniń 100 jyldyǵyna oraı», «Ál-Farabı», «Eńbek ardageri», «Tyń ıgerýge – 50 jyl» medaldarymen mara­pat­talǵan.

QazUMÝ-diń neonatologııa kýrsy boıynsha bala­lar aýrýlary kafedrasyna Qa­zaq­stannyń kórnekti pedıa­trynyń esimin berý ıdeıa­syn eli­mizdiń búkil medısına qa­ýym­das­ty­ǵy qoldady. Pe­dıat­rııa jáne balalar hırýr­gııasy ǵylymı ortalyǵy ataq­­ty professordyń esimin maq­ta­nysh­pen alyp júrmek. Onyń ómiri men qyzmet joly, qazaq medısınasyna qosqan sú­beli zor úlesi jas pedıatr dá­­ri­gerlerge ólsheýsiz úlgi-ónege bola beredi.

ALMATY