Bıyl 215 shaqyrym jol jóndeledi

Oblys aýmaǵyndaǵy jer­gilikti avtojoldar jelisiniń jal­py uzyndyǵy – 5 082,7 km. Keshege deıin oblystyq jáne aýdan­dyq mańyzy bar osy avto­joldyń 34 paıyzy ǵana jaqsy jáne qanaǵattanarlyq jaǵdaıda, qalǵan 3 349,5 shaqyrym jol qanaǵattanarlyqsyz kúıde boldy. Mine, 2021 jylǵy jumys qorytyndysy boıynsha jaqsy jáne qanaǵattanarlyq joldar 150-deı shaqyrymǵa uzaryp, 1 874,3 kılometrge jetken. Al keıbir eldi mekenderdiń jo­ıy­lýyna baılanysty óńir­degi avtojoldardyń jalpy uzyn­dy­ǵy 320 shaqyrymǵa qys­qa­rypty.

– Sońǵy kórsetkish boıynsha oblystaǵy jergilikti jol­dardyń 39 paıyzy jaqsy jáne qanaǵattanarlyq degen dárejege ótti, – deıdi oblystyq jolaýshylar kóligi jáne avtomobıl joldary basqarmasy basshysy Aıdar Meneev. – Alaıda bul Qazaqstan Respýblıkasy boıynsha áli de eń tómengi kórsetkish.

Bıyl oblystyq jáne aýdan­dyq mańyzy bar avtomobıl joldarynda 37 jobany iske asyrý josparlanǵan. Munyń 17-si jańa joba bolsa, 20 joba 2021 jyly bastalǵan aýyspaly qurylystar. Osy maqsatqa res­pýb­lıkalyq jáne jergilikti bıýd­jetten 14,6 mlrd teńge qa­ras­tyrylyp otyr. Jyl sońy­na deıin osy qarajatqa 215 sha­qyrymnan astam jol jóndeý josparlandy.

Kestege qaraǵanda, bıyl ob­lystyq mártebedegi Barbas­taý – Aqjaıyq – Inder avtojolynyń 43-93 shaqyrym aralyǵy, Bórli – Aqsaı – Jympıty jolynyń 68-139 km aralyǵy, Chapaev – Jańaqala – Saıhyn jolynyń 130-191 shaqyrymy qaıta salynyp, Terekti men Aqsaı ara­syndaǵy avtojoldyń 28-58 shaqyrymy ortasha jóndeýden ótedi. Bul úshin respýblıka qa­zynasynan 3 754,019 mln teńge, oblys bıýdjetinen 509,299 mln teńge qarastyrylǵan. Jobany Uniserv jáne «Aıdana» kompanııalary júzege asyrmaq.

Qańtardaǵy oqıǵalardan keıin Memleket basshysy Qasym-Jomart Toqaev Qazaq­­stan­­nyń ońtústik jáne batys óńirlerin damytýǵa ar­nalǵan áleý­mettik jáne bıznes baǵ­dar­lamasyn qaıta qa­raýdy júktegen bolatyn. 25 qańtarda Batys Qazaqstan ob­lysynyń ákimi Ǵalı Esqalıev Premer-mınıstr Álıhan Smaıylovtyń tóraǵalyǵymen ótken Úkimet otyrysynda Memleket bas­shy­synyń tapsyrmasy boıynsha ázirlengen óńirdiń 2025 jylǵa deıingi áleýmettik-eko­nomı­ka­lyq da­mýynyń ke­shen­di jos­paryn tanystyrdy. Osy jos­pardyń ishinde óńirdiń avtojoldaryn da jóndeý, qaıta salý jobalary qarastyrylǵan.

«Biz jergilikti halyq tarapynan kópten beri aıtylyp júrgen usynystardy bolashaq jobaǵa engizdik. Mysaly, Jańaqala aýdanyndaǵy Pıatımar (10 km) jáne Kópjasar (14 km) aýyldaryna, Bókeıordasy aýdany Muratsaı (18 km) aýylyna kirme joldardy jóndeý úshin búgingi tańda Avtomobıl joldary komı­tetine bıýdjettik ótinim jiberildi. Endi respýblıkalyq bıýd­jettik komıssııasy otyry­synda bizdiń bıýdjettik ótinim maquldansa, tıisti qarajat bó­linedi. Sondaı-aq elimizdiń Jalpyulttyq kıeli nysandary qataryna kiretin Dádem ata – Jumaǵazy haziret kese­ne­sine aparatyn joldy rekonstrýk­sııalaýǵa qarajat bólýge de bıýdjettik ótinim jibe­rildi. Joldyń uzyndyǵy 2,616 km, somasy 253 383,7 mln teńgeni qu­rap otyr», deıdi Aıdar Meneev.

Aıta keteıik, Úkimetke usyn­­ǵan Batys Qazaqstan obly­syn keshendi damytý jospary bekitilse, 2025 jylǵa deıin óńir­degi jergilikti joldardyń 78 paıyzy asfalttalmaq. Bul oblys ishindegi kólik qatynasyn kúrt jaqsartyp, eldiń ál-aýqaty damýyna da zor áser eteri sózsiz.

Batys Qazaqstan oblysy