Alaıda, óńirde búlik salýshylardy anyqtap, jazalaý maqsatynda júrgizilip jatqan quqyqtyq sharalar barysynda asyra silteý oryn alyp, beıbit sherýge qatysýshylardy azaptaý deregi de tirkelip otyr. О́kinishke qaraı, tártip saqshylary tarapynan azaptalǵan adamdar qatary Taldyqorǵan qalasynda kóbeıip keledi. Qazir qoǵamnyń nazaryn aýdaryp otyrǵan Azamat Batyrbaevtyń jaǵdaıy áli máz emes.
Qańtardaǵy oqıǵa kezinde Taldyqorǵan qalasyndaǵy ortalyq alańǵa sherýge shyǵyp, sol mańdaǵy Elbasy Nursultan Nazarbaevtyń eskertkishin qulatýǵa qatysqany úshin tutqynǵa alynǵan Azamatty polıseıler uryp, soǵyp ábden qınaǵan bolatyn. Kúdiktiniń arqasyna qyzǵan útik basyp, azaptaý deregine qatysty búginde qylmystyq is qozǵalǵan. Ol isti Sybaılas jemqorlyqqa qarsy kúres qyzmetiniń tergeýshileri tekserip jatyr.
Al Batyrbaevtyń qorǵaýshysy Baýyrjan Azanov jábirlenýshiniń tergeý ústinde ózin aıaýsyz azaptap, denesin útikpen kúıdirgen tártip saqshylaryn bettestirý kezinde tanyǵanyn aıtady. Demek, Memleket Basshysynyń pármenimen bastalǵan ádildik pen qylmystyń ara-jigin zańǵa sáıkes anyqtaý jumysy endi oń baǵytqa oıysatyny sózsiz.
El ishindegi jaǵdaıǵa kelsek, qazir prokýratýranyń aralasýymen 33 adam oblystaǵy tergeý jáne ýaqytsha ustaý ızolıatorlarynan bosatyldy. Onyń ishinde kámelet jasyna tolmaǵan 8 jasóspirim bar.
Jalpy, qańtar oqıǵasyna qatysty Taldyqorǵan óńirnde 88 adam qamaýǵa alynǵan. Búginge deıin osy ustalǵandardyń áreketine quqyqtyq baǵa berilip, alpystan astam tulǵaǵa qatysty is jeńildetilgen. Olardyń denine qoǵamnan oqshaýlaý babynan tys túrli bultartpaý sharalary qoldanylyp otyr eken.
«Bultartpaý sharasy jeke basyn, jasyn, densaýlyq jaǵdaıyn, qatysý dárejesin, áreketke qatynasyn jáne basqa da sıpattaıtyn málimetterdi muqııat zerttegennen keıin tańdaldy. Is-áreketterinde qylmysty aýyrlatatyn mán-jaılar joq adamdarǵa jazany jeńildetý bóliginde Memleket basshysynyń tapsyrmasyn oryndaý maqsatynda sharalar qabyldanýda. Munda árbir quqyq buzýshyǵa jeke mán berip otyrmyz. Sıpaty men sanatynyń aýyrlyǵy baǵalandy», deıdi Almaty oblysy prokýrorynyń mindetin atqarýshy Rashıd Ámirov.
Jalpy, Almaty oblysynda qańtar oqıǵasy boıynsha barlyǵy 409 qylmystyq is tergelýde, onyń ishinde 158 is urlyqqa qatysty, 191 is qarýdy zańsyz saqtaýǵa oraı, 11 is terrorızmge qatysty, 3 is jappaı tártipsizdik baby boıynsha jáne 3 is kisi óltirý babyna qatysty qozǵalǵan.
Al tergeý nátıjeleri boıynsha jazany jeńildetý maqsatynda 93 apellıasııalyq ótinishhat engizilip, sot tarapy prokýrordyń aktilerin qanaǵattandyrypty. Ntáıjesinde 71 tulǵa qamaýdan bosatylyp, 22 adamǵa salynǵan aıyppul eskertýge aýystyryldy. Prokýratýranyń deregine sensek, qazir oblys aýmaǵynda ákimshilik is boıynsha qamaýda otyrǵan adamdar joq eken.
Aıtpaqshy, ustalǵandardy azaptaýǵa qatysty qozǵalǵan qylmystyq isti Sybaılas jemqorlyqqa qarsy kúres qyzmeti júrgizip jatqany belgili. Búginde dál osy bap boıynsha 37 qylmystyq is qozǵalyp, tergelýde.
«Sybaılas jemqorlyqqa qarsy kúres qyzmetine kelip túsken jábirlenýshilerdiń ótinishterinde quqyq qorǵaý organdarynyń qyzmetkerleri tarapynan azaptaýǵa ushyraǵany jaıynda aıtylǵan. Iаǵnı, olardyń barlyǵynda tártip saqshylary qańtar oqıǵasyna qatysty ylmystyq isterdi tergeý kezinde jábirlenýshilerge qatysty qylmys jasady dep taný maqsatynda azaptaýlar jasaǵany baıandalǵan. Polısııa jáne basqa da quqyq qorǵaý organdary qyzmetkerleriniń áreketterine qatysty qorǵaýshylar, týystary, ata-analary jáne jábirlenýshilerdiń ózderi ótinish bildirdi. Sonymen qatar, kún saıyn qajetti tergeý áreketteri júrgiziletin BAQ monıtorıngi jasalýda. Qazirgi ýaqytta tergeýdiń jan - jaqtylyǵyn qamtamasyz etý úshin birqatar tergeý amaldary júrgizilýde», deıdi Sybaılas jemqorlyqqa qarsy qyzmeti Almaty oblysytyq departamenti basshysynyń orynbasary Dýlat Madııarov.
