«Úkimettiń eń mańyzdy mindetteriniń biri – halyqtyń tabysyn arttyrý jáne jańa jumys oryndaryn qurý. Sondyqtan, memlekettik organdardyń birinshi basshylary myna máselelerdi sheshýge basty nazar aýdarýy qajet. Birinshi, Prezıdent bıýdjettik josparlaýdy reformalaýǵa qatysty birqatar tapsyrmalar berdi. Josparlaý tıimdiligin arttyrý úshin bıýdjettik prosesterdi sıfrlandyrýdy jyldamdatý qajet», dedi Úkimet basshysy.
Osy rette Premer-Mınıstr Qarjy mınıstrligine 2022 jyldyń 1-shi naýryzyna deıin bıýdjettik josparlaýdyń prosesterin sıfrlandyrý boıynsha naqty is-sharalardy qabyldaýdy tapsyrdy.
«Ekinshi, Memleket basshysy tıimsiz ári shyǵyny kóp jobalardan bas tartýdy tapsyrdy. Sondaı-aq Qarjy jáne Ulttyq ekonomıka mınıstrlikteri ázirlep jatqan Bıýdjet qarajatynyń tıimdiligi men áleýmettik-ekonomıkalyq qaıtarymyn baǵalaý ádistemesin aıaqtaý kerek degen bolatyn. Qarjy mınıstrligi Strategııalyq josparlaý agenttigimen jáne Esep komıtetimen birge Ádistemeniń jobasyn 1-shi sáýirge deıin Úkimetke engizýi tıis», dedi Álıhan Smaıylov.
