Mınıstrdiń atap ótýinshe, Memleket basshysynyń «Báıterek» UBH» AQ-men birlesip, 2022 jylǵy 1 mamyrda jalǵa beriletin turǵyn úıdi sýbsıdııalaýǵa ótinimder qabyldaý jónindegi sıfrlyq platformanyń jumys isteýin qamtamasyz etý» tapsyrmasy boıynsha jumystar qolǵa alyndy.
«Sıfrlyq platformanyń testilik nusqasyn 15 naýryzdan bastap pılottyq rejımde iske qosýdy josparlap otyrmyz. Platforma Elektrondyq sıfrlyq qoltanba kómegimen ótinim berýdi jáne ótinim berýshiniń talaptarǵa sáıkestigin avtomatty túrde tekserýdi kózdeıdi. Tekserý Sıfrlyq damý, ınnovasııalyq jáne aeroǵarysh ónerkásibi mınıstrligi, Ádilet mınıstrligi, Memlekettik kirister komıteti, Bilim jáne ǵylym mınıstrligi, Eńbek mınıstrlikterdiń memlekettik derekter bazalarymen ıntegrasııalaý jolymen júzege asyrylatyn bolady. О́tinimderdi qabyldaýdy 5 sáýirden bastaýdy josparlap otyrmyz», dedi mınıstr.
