Aqmola oblysy aýmaǵyndaǵy respýblıkalyq jáne 17 oblystyq mańyzy bar avtojoldardyń 11 ýchaskesindegi avtojoldardaǵy qıyn jaǵdaıǵa baılanysty barlyq avtokólik túrleri úshin qozǵalys jabyldy.
Jol-kólik oqıǵalaryn boldyrmaý úshin polısııa departamentiniń, TJD jáne jol qyzmetteriniń kúshimen úsh avtokolonna – 148 jeńil jáne 13 júk avtomashınasy qurastyrylyp, súıemeldendi.
«Respýblıkalyq mańyzy bar avtojoldardyń jabyq ýchaskelerindegi blokposttardan TJD kúshimen jylytý pýnktterine 116 adam ornalastyryldy, onyń ishinde 14 bala bar. Máselen, tek Jaqsy aýdanynda 69 adam evakýasııalandy, onyń ishinde 14 bala, Atbasar aýdanynda – 37 adam, Býrabaı aýdanynda – 5 adam, onyń ishinde 2 bala, Birjan Sal aýdanynda – 4 adam jáne Esil aýdanynda – 1 adam. Jergilikti atqarýshy organdar ystyq tamaq uıymdastyrdy», dedi Aqmola oblysy TJD tótenshe jaǵdaılardy joıý basqarmasynyń bastyǵy Oleg Malıýk.
Oblystyń avtojoldarynda shuǵyl medısınalyq kómek kórsetý maqsatynda Arshaly, Bulandy jáne Jaqsy aýdandarynda úsh trassalyq medısınalyq-qutqarý pýnkti jumys isteıdi.
Qutqarýshylardyń aıtýynsha, qysqy kezeńdegi TJ-ǵa jedel áreket etý úshin jeke quramnyń 370 adamy jáne ótimdiligi joǵary shassıi bar 76 avtomobıl daıyndalǵan, olar tótenshe jaǵdaılarǵa barynsha beıimdilikti eskere otyryp bólimsheler boıynsha bólingen.
