Jobada aǵylshyn tilin úırengisi keletin ata-ájelerge osy tildi erkin meńgergen jastar qarapaıym qoldanystaǵy aǵylshyn tilin ońaı ádis-tásildermen úıretedi.
«CES for You» oqý ortalyǵynyń quryltaıshysy Aıgúl Qanatqyzynyń pikirinshe, joba aldyńǵy tolqyn men keıingi tolqynnyń arasyndaǵy baılanysty nyǵaıtýǵa baǵyttalǵan.
«Bul jobaǵa bizdiń ata-ájelerimiz, aǵa-apalarymyz tegin qatysa alady. Ondaǵy maqsat jas býyn men úlkender arasynda ózara túsinistik ornatý. Bul qyzmetimiz úshin aqy almaımyz. Tek úlkenderdiń alǵysy men batasyn alyp jatsaq jetkilikti. Osylaısha ǵylym men bilimniń, tehnologııanyń jetekshi quralyna aınalǵan aǵylshyn tiliniń keń qanat jaıýyna birigip atsalysqymyz keledi», deıdi A.Qanatqyzy.
Jobaǵa Almaty oblysynyń qurmetti aqsaqaly Ybataev Seıtqalı bastaǵan azamattar alǵashqy qatysýshy retinde tirkelip, til úırený sabaqtaryn bastap ketti.
«Urpaqtar sabaqtastyǵy» jobasy «CES for You» oqý ortalyǵynyń Almaty oblysyndaǵy barlyq fılıaldarynda júrgiziledi.
