Pandemııa bastalǵannan beri aımaqta koronavırýstyń 59 myńǵa jýyq deregi tirkeldi. 14 aqpanda bir kún ishinde 33 adamnan vırýs anyqtaldy. Shyǵys Qazaqstan aýmaǵyndaǵy shekteý sharalary 14-27 aqpan aralyǵynda uzartyldy.
Osy aptanyń basynan bastap bilim berý obektilerinde shtattyq formatta oqytýǵa ruqsat etildi. Qashyqtyqtan oqytý formatyna kóshý karantın rejımin buzý anyqtalǵan kezde qoldanylatyn bolady.
2022 jyldyń basynan bastap mektep oqýshylary arasynda 660 koronavırýs aýrýy tirkelip, 36 synyp karantınge jabyldy.
ShQO Bas memlekettik sanıtarlyq dárigeriniń shyǵarylǵan qaýlysy ASHYQ jobasyna qatyspaıtyn obektiler úshin birqatar ózgeristerdi belgiledi. Qoǵamdyq tamaqtaný obektilerine saǵat 7.00-den 24.00-ge deıin 50 paıyzdan aspaıtyn, biraq 50 orynnan aspaıtyn meıramhanalar men dámhanalar tıpi boıynsha jumys isteýge ruqsat etiledi. Qoǵamdyq tamaqtandyrý obektileri alkogoldik ishimdikterdi satpaı, ashanalar tıpi boıynsha táýlik boıy jumys rejımine aýysady.
Dinı birlestikterdiń obektilerinde 30 paıyzǵa deıin, biraq júz adamnan aspaıtyn ujymdyq qulshylyq etýge ruqsat etilgen.
Al buqaralyq sporttyq is-sharalar, ashyq aýadaǵy marafondar 15 paıyzdan artyq emes tolǵan kezde ruqsat etiledi.
Jumys berýshilerge vaksınasııa júrgizilýine qaramastan qyzmetkerlerdiń 50 paıyzyn qashyqtan jumys rejımine kóshirý usynylady. Birinshi kezekte qashyqtyqtan jumys isteý formatyna COVID-19-ǵa qarsy vaksınasııalanbaǵan jumyskerler jáne sońǵy alty aı ishinde COVID-19-men aýyrmaǵan jumyskerler aýystyrylady.
