Qylmystyq toptyń ustalǵan 6 múshesiniń Almaty óńiri aýmaǵyndaǵy birqatar qylmystarǵa (qorqytyp alý, qaraqshylyq, ozbyrlyq, buzaqylyq, kásipkerlerge krımınaldyq qamqorlyq, mal urlyǵy) qatysy bary anyqtalyp otyr.
Kúdiktilerdi ustaý jáne turǵylyqty jerlerin tintý barysynda 4 birlik atys qarýy, 177 oq-dári, 7 granata, arnaıy quraldar, sondaı-aq qańtardaǵy jappaı tártipsizdik kezindegi maroderlikke qatysqandaryn rastaıtyn zattar radıostansııalar, «PR» dýbınkalary, brondy keýdeshe tárkilendi.
Ustalǵandar QAJD 8-TI jáne UQK Almaty q. boıynsha departamentiniń tergeý ızolıatorlaryna qamaldy. QR QK 287-babynyń 3 jáne 4-bólikteri Atys qarýyn, oq-dárilerdi, jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý boıynsha qylmystyq ister qozǵaldy.
Tergeý-jedel is-sharalary kesheniniń nátıjesinde top músheleri UQT múshelerine tıesili qarýy bar «kómbelerdi» kórsetýge oıysty.
Almaty oblysy Eńbekshiqazaq aýdanynda eki «kómbe» anyqtalyp, olardan 44 birlik atys qarýy jáne 3 birlik sýyq qarý, sondaı-aq 20 birlik oq-dáriler alyndy.
Alynǵan qarý-jaraqty, sondaı-aq olardy qańtar oqıǵalarynda qoldanýdy sáıkestendirý boıynsha is-sharalar júrgizilip jatyr.
Jedel-tergeý is-sharalary jalǵasýda.
