О́ńirlik bóliniske salsaq, el azamattarynyń basym kópshiligi Almaty oblysynda qonystanǵan – 2,1 mln adam. Úzdik úshtikke sondaı-aq 2,1 mln adammen Túrkistan oblysy, 2 mln turǵynmen Almaty qalasy kiredi. Bul úsh óńir búkil el halqynyń úshten birin quraıdy. Halyq eń az qonystanǵan ólke – Soltústik Qazaqstan oblysy. Teriskeıdegi jurttyń sany 540 myń adamdy mańaılaıdy.
Osy kórsetkishter fonyndaǵy eń qyzyq derek – Qazaqstan degen esimi bar 24 azamattyń bar ekeni. Memleket ataýyn ıelengen azamattardyń kóbi Aqmola oblysynda turatyn bolyp shyqty. Olardyń sany – 6 adam. Sonymen qatar Qaraǵandy oblysynda – 4, Qostanaıda – 3, Shymkentte – 2, Almaty, Batys Qazaqstan jáne Mańǵystaý oblystarynda 1 Qazaqstan ómir súrip jatyr.
Budan bólek qala ataýyn ıelengen qazaqstandyqtar da bar. 28 adamnyń esimi Semeı bolsa, ata-analar balalaryna Almaty jáne Túrkistan degen de esimder bergen. Sondaı-aq Atyraý, Taraz, Qostanaı, Aqtaý, Nur-Sultan, Shymkent, Aqtóbe, Taldyqorǵan ataýyn esim qylyp júrgen jandar da barshylyq.
