Qazaqstan ulttyq stendinde Almaty, Shyǵys Qazaqstan, Jambyl, Qostanaı, Túrkistan jáne Pavlodar oblystarynan, sondaı-aq Nur-Sultan, Almaty jáne Shymkent qalalarynan 20 óndirýshi kompanııa boldy. Kórmede bal ónimderi, kondıterlik jáne makaron ónimderi, unnan jasalǵan jáne kondıterlik ónimder, alkogolsiz sýsyndar, shyryndar men syra, balmuzdaq, ósimdik maılary usynyldy. Sondaı-aq jemis-kókónis ónimderin óndiretin jáne óńdeıtin kompanııalar óz ónimderin tanystyrdy. Kórme barysynda qazaqstandyq kompanııalardyń reseılik jáne basqa da otandyq ónimdi satyp alýshylarmen 200-ge jýyq V2V kelissózderi, sonyń ishinde Reseı men basqa da elderdiń federaldyq jáne aımaqtyq saýda jelilerimen kelissózderi júrgizildi.
Qazaqstandyq ónimderdi satyp alýshylar arasynda elimizdiń maı ónimderi: sary maı, margarın jáne t.b. úlken qyzyǵýshylyq týdyrdy. Reseılik jáne halyqaralyq treıderler úshin ekinshi asa kóp qyzyǵýshylyq týdyrǵan taýar qazaqstandyq balmuzdaq boldy. Sondaı-aq qazaqstandyq alkogolsiz sýsyndarǵa, shyryndarǵa, syraǵa, jańa pisken, jańa muzdatylǵan jáne qaıta óńdelgen kókónister men jemisterge, jemis-jıdek ezbesine, unǵa, makaron ónimderine, sondaı-aq bal, sút jáne kondıterlik ónimderge satyp alýshylar basa nazar aýdardy.
Qazaqstandyq kompanııalardyń «PRODEKSPO» kórmesine qatysýyn eksporttaýshylardy servıstik qoldaý sheńberinde eksportty memlekettik qoldaýdyń biryńǵaı operatory «QazTrade» kompanııasy qamtamasyz etti. 2021 jyly eksporttaýshylardy servıstik qoldaý is-sharalary aıasynda qazaqstandyq óndirýshiler qol qoıǵan eksporttyq kelisimsharttar somasy shamamen 279,6 mln dollardy qurady. 2021 jyldyń qorytyndysy boıynsha otandyq taýar óndirýshilerdiń eksporttaýshylardy servıstik qoldaýǵa baǵyttalǵan tikeleı bıýdjettik shyǵystarynyń árbir 1 teńgesine tabysy 329,6 teńgeni qurady.
