«Almaty ákimi Erbolat Dosaevtyń ókimimen QR Prezıdenti Ákimshiliginiń kelisimimen Almaty qalasy ákiminiń orynbasary bolyp Ásem Bekqyzy Núsipova taǵaıyndaldy», delingen qala ákimdiginiń habarlamasynda.
Ásem Núsipova 1975 jyly 1 mamyrda Almaty qalasynda dúnıege kelgen. Qazaq memlekettik ýnıversıtetiniń túlegi. «Ekonomıka jáne menedjment» mamandyǵy boıynsha magıstratýra men aspırantýrany bitirgen.
Eńbek jolyn 1999 jyly Ál-Farabı atyndaǵy Qazaq memlekettik ýnıversıtetinde assıstent qyzmetinen bastady. 2001 jyly Qazaqstan Respýblıkasy Qaýipsizdik Keńesiniń ekonomıkalyq qaýipsizdik máseleleri jónindegi bóliminiń bas sarapshysy bolyp taǵaıyndaldy, 2002-2003 jyldar aralyǵynda Qazaqstan Respýblıkasy Prezıdenti Ákimshiliginiń júıeli zertteýler ortalyǵy sektorynyń meńgerýshisi qyzmetin atqardy.
2003-2005 jyldary - Qazaqstan Respýblıkasy Qarjy mınıstriniń keńesshisi, (qosa atqarý boıynsha) Biryńǵaı ekonomıkalyq keńistikti qalyptastyrý jónindegi EýrAzEQ hatshylyǵy janyndaǵy uıymdastyrý-saraptama tobynyń keńesshisi, sondaı-aq 2005 jyly Qazaqstan Respýblıkasy Premer-Mınıstriniń keńesshisi, Premer-Mınıstr keńesshileri tobynyń jetekshisi boldy.
2006 jyly - Qazaqstan Respýblıkasy Premer-Mınıstri Keńsesiniń Jıyntyq taldaý bóliminiń meńgerýshisi bolǵan.
2007 jyldan bastap 2008 jylǵa deıingi kezeńde Qazaqstan Respýblıkasynyń Densaýlyq saqtaý vıse-mınıstri laýazymyn atqaryp, keıinnen 2016 jylǵa deıin «QazTransOıl» AQ Bas dırektorynyń ekonomıka jáne qarjy jónindegi orynbasary boldy.
2016-2019 jyldar aralyǵynda Ásem Núsipova Shyǵys Qazaqstan oblysy ákiminiń orynbasary boldy. 2020 jyly Qazaqstan Respýblıkasy Densaýlyq saqtaý mınıstrliginiń Jaýapty hatshysy laýazymynda, sońǵy atqarǵan laýazymy Qazaqstan Respýblıkasy Densaýlyq saqtaý vıse-mınıstri (2020 jylǵy qazannan 2022 jylǵy aqpanǵa deıin).
