«Endi muraǵat isi salasyna qatysty. Respýblıkada 229 memlekettik muraǵat jumys isteıdi. Bul rette memlekettik muraǵattardyń tıptik mamandandyrylǵan ǵımarattarynyń jetispeýshiligi baıqalady, olardyń úlesi tek 14,7%-dy quraıdy», dedi QR Mádenıet jáne sport mınıstri Dáýren Abaev vedomstvonyń keńeıtilgen otyrysynda.
Mınıstrdiń aıtýynsha, júrgizilgen taldaý respýblıka boıynsha 128 nysan salý qajettigin anyqtady.
Ol jetekshilik etetin vıse-mınıstrge jergilikti atqarýshy organdarmen birlesip muraǵat qoımalarynyń kólemin ulǵaıtý máselesin pysyqtaýdy tapsyrdy.
«Sonymen qatar, negizgi server isten shyqqan jaǵdaıda «E-muraǵatty» rezervtik serverlermen qamtamasyz etý máselesin baqylaýǵa alý qajet. Sondaı-aq memlekettik organdardyń ulttyq jáne óńirlik muraǵattarmen ózara is-qımyl problemasy bar. Júıelerdi biriktirý resmı túrde júzege asyryldy, biraq is júzinde ol tolyq jumys istemeıdi. Bul ulttyq qaýipsizdik máselesi. Men ony jeke baqylaýymda ustaımyn», dedi Dáýren Abaev.
