«Búgin saǵat 06:00-de 102 operator pýltine Avangard-3 shaǵyn aýdanyndaǵy kóp páterli úılerdiń biriniń 3-qabatynda órt shyqqany týraly habarlama kelip tústi. Patrýldik polısııa ekıpajynyń qyzmetkerleri polısııa aǵa leıtenanty Jánibek Elemesov pen polısııa aǵa leıtenanty Elaman Tóleshov órt shyqqan podezden turǵyndardy kóshirýge dereý kiristi. Olar bes qabatty úıdiń ár páteriniń esigin qaǵyp, 60-qa jýyq turǵynnyń kóshege shyǵýyn qamtamasyz etti», dep habarlady oblystyq polısııa departamentiniń baspasóz qyzmeti.
Atyraý oblysynyń polısııa departamenti turǵyndarǵa órt qaýipsizdigi talaptaryn saqtaý qajettigin eskertedi.
