Atalǵan áleýmettik joba ınternetke táýeldilik, qumar oıyndar, balalar men jastar arasyndaǵy kıberbýllıng sııaqty úsh mańyzdy máseleniń aldyn alýǵa baǵyttalǵan. Sarapshylar tobynyń quramyna bilikti psıhologtar, zańgerler men áleýmettanýshylar kirdi. Olardyń barlyǵy áleýmettik jobanyń taqyrybyn zertteýmen aınalysqan mamandar.
«Biz osy taqyrypqa beı-jaı qaramaıtyn belsendi balalar qaýymdastyǵyn qurdyq. Olar arnaıy oqytýdan ótip, qazir áleýmettik jelilerdi paıdalaný arqyly monıtorıng júrgizýde», deıdi «Jas Ulan» úkimettik emes uıymynyń basshysy Dınara Sádýaqasova.
Jobanyń taǵy bir baǵyty – qumar oıyndarǵa degen táýeldiliktiń aldyn alý. Oǵan qumar oıyndarǵa degen qumarlyq sezim men kompıýterlik oıyndarǵa degen patologııalyq tartymdylyq tán.
Joba aıasynda qoǵamdyq birlestik qysqametrajdy fılmder baıqaýyn da ótkizdi.
Tutastaı alǵanda, jobany iske asyrý kezeńinde elimizdiń 17 óńiriniń myńnan astam jas azamaty ınternet-táýeldiliktiń, kıberbýllıng pen qumar oıyndarǵa táýeldiliktiń aldyn alý boıynsha oqytýdan ótti.
Qazaqstannyń barlyq óńirlerinde qumar oıyndarǵa degen táýeldilik pen kıberbýllıngtiń aldyn alý maqsatynda Telegram-arnalar iske qosylyp, 74 saıt buǵattaýǵa usynyldy.
