Saqtandyrý boıynsha azamattarǵa qandaı medısınalyq kómek tıesili?

Elimizde kórsetiletin medısınalyq kómektiń kólemin arttyrý úshin MÁMS júıesi engizilgeni belgili. Áleýmettik medısınalyq saqtandyrý qory 2022 jyly halyqqa medısınalyq kómekti qarjylandyrýǵa 2,049 trln teńge, onyń ishinde TMKKK boıynsha – 1,2 trln, MÁMS boıynsha – 838 mlrd teńge baǵyttaýdy josparlap otyr.

Tegin medısınalyq kómektiń kepildik berilgen kólemi saqtandyrylmaǵan aza­mat­tarǵa da kórsetiledi, oǵan shuǵyl jaǵ­daı­larda medısınalyq kómek, ýchaskelik ma­mannyń qabyldaýy, shuǵyl operasııalar, áleýmettik máni bar aýrýlardy emdeý, t.b. kiredi (tolyq tizbemen Qor saıtynda myna silteme boıynsha tanysýǵa bo­lady: https://fms.kz/press-center/press-relizy/34732/).

MÁMS boıynsha tizbede medı­sı­na­lyq kómek «SAQTAN­DY­RY­LǴAN» mártebesi bar azamattarǵa kórsetiledi. Bul rette 15 jeńildik sanatyndaǵy 11 mln adamǵa memleket jarna tóleıdi. Bul adamdar saqtandyrylǵan jáne qosymsha aqysyz medısınalyq kómek alýy tıis.

MÁMS boıynsha kórsetiletin medı­­sınalyq qyzmetter tizbesine my­­na­lar kiredi:

* Ambýlatorııalyq jaǵdaıdaǵy medı­sınalyq kómek (aýrýlardy dıag­nos­­tıkalaý jáne emdeý):

- skrınıngtik zertteýler;

- MSAK dárigerleriniń joldamasy bo­ıynsha beıindi mamandardyń konsýltasııalary;

- aýrýlardy dıagnostıkalaý jáne emdeý;

- halyqtyń jekelegen sanattaryna shuǵyl jáne josparly nysandaǵy stomatologııalyq kómek;

- kúndizgi stasıonar jáne úıdegi stasıonar;

- rásimder men manıpýlıasııalar;

* Táýlik boıǵy stasıonarda aýrýlardy emdeý jáne dıagnostıkalaý. Bul jerde biz barlyq aýrýlar boıynsha medısınalyq kómek týraly aıtamyz, sonyń ishinde qymbat turatyn otalar, mysaly, kardıologııalyq, orto­pe­dııa­lyq, estý organdaryna jasalatyn opera­sııa­lar jáne t.b.

* Dıagnostıka jáne emdeý hattamalarynda kózdelgen barlyq aýrýlar boıynsha medısınalyq ońaltý;

* Skrınıngtik zertteýlerdi, operasııalardy jáne t. b. júrgizý kezinde bıo­ma­terıal jiberiletin gısto­lo­gııa­lyq, sı­tologııalyq jáne basqa da zertteý­lerdi qamtıtyn pato­lo­gııa­lyq-ana­tomııalyq dıagnos­tı­ka;

* transplanttaý kezindegi dıagnos­tı­ka­lyq zertteýler;

* Dárilik zattarmen jáne medısına­lyq buıymdarmen qamtamasyz etý.

«Shuǵyl kómek saqtandyrylmaǵan adamdarǵa da kórsetiletinin bilgen jón, óıtkeni ol TMKKK sheńberinde júrgiziledi. Alaıda medısınalyq kómek josparly túrde MÁMS-te usynylady. Saqtandyrylǵan tulǵa mártebesine ıe bola otyryp, pasıent medısınalyq qyzmetterdiń kóptegen túrine qol jetkize alady. Beıindi mamandardyń qabyldaýy, ártúrli taldaýlar, KT, MRT, ÝDZ, rentgen, EKG sekildi quny qymbat zertteýler, kóptegen aýrýdyń dıagnostıkasy, ońaltý qyzmetteri, josparly operasııalar MÁMS tizbesine kiredi. Iаǵnı buryn aqyly negizde kórsetilgen qyzmetterdi saqtandyrylǵan azamattar qa­zir tegin ala alady», dep túsindiredi Qordyń elorda fılıalynyń baspasóz qyz­meti.

«Saqtandyrylǵan» mártebesin alý úshin aldyńǵy 12 aıdyń jarnasyn tóleý qajet, al BJT tóleýshilerge soń­ǵy aılarda, sonyń ishinde aǵymdaǵy aılarda úsh ret ýaqtyly tólem jasalýy jetkilikti. BJT tóleýshiler úshin saqtandyrylý mártebesi tólengen aıdyń sońǵy kúnine deıin áreket etetindigin este saqtaý qajet. Mysaly, eger MÁMS úshin tólem aqpan aıynda bolsa, onda 1 naýryzdan bastap BJT kezekti tólemin jasamasa, adam saqtandyrylmaıdy. Eger aǵymdaǵy kezeńde nemese aldyn ala tólem bolmasa, mártebe joǵalady jáne ony qalpyna keltirý úshin BJT-da úshinshi birizdi tólemniń bastalýyn qaı­tadan kútýge týra keledi.

Eger sizde saqtandyrý mártebesin alýǵa nemese medısınalyq kómek alýǵa qa­tys­ty suraqtar týyndaǵan bolsa, árbir medısınalyq uıymda bar Pa­sıent­ti qoldaý qyzmetine júgine alasyz. Eger jaǵdaıdy sol jerde sheshý múmkin bolmasa, Áleýmettik medısınalyq saqtandyrý qoryna ótinishti ózińizge yńǵaıly baılanys arnasy boıynsha qaldyrýǵa bolady: fms.kz resmı saıty, 1406 baılanys ortalyǵy, Goldau 24/7 mobıldi qosymshasy jáne Telegramdaǵy SaqtandyryBot.