– 14 aqpanda jumyssyz azamattar arasynan halyqtyq baqylaý toby quryldy. Bul top jumysqa ornalastyrýdy qajet etetin áleýmettik osal toptardan shyqqan úmitkerlerdi anyqtaıdy. Búginde halyqtyń áleýmettik osal tobyna jatatyn 193 turǵynnyń tizimi jasaldy, – dep jazylǵan Mańǵystaý oblysy ákimdiginiń habarlamasynda.
Jaqyn ýaqytta tizimdegi basqa jumyssyz azamattardyń áleýmettik jaǵdaıy zerdelenedi. Jalpy aldaǵy ýaqytta jumyspen qamtý ortalyǵynda «О́zenmunaıgaz" AQ servıstik qyzmet kórsetý mekemelerinde kezekte turǵan 150 adamdy jumysqa qabyldaý kózdelip otyr.
Sonymen qatar Jańaózen qalalyq jumyspen qamtý bóliminiń «Jumys isteımin» baǵdarlamasy aıasynda shaǵyn jáne orta bıznestiń kúsh salýymen bıyl naýryzdan bastap taǵy 50 jumys orny qurylady.
Osy maqsatta oblystyq komıssııa músheleri «Korkem alem», «О́zen qoıma», «Asemade» JShS-da bolyp qaıtty. Komıssııa Mańǵystaý oblysy ákiminiń tapsyrmasyna sáıkes osy jyldyń 8 aqpanynda quryldy.
