Federaldy jınalys músheleriniń basym bóligi onyń kandıdatýrasyn qoldap daýys berdi. Berilgen jáne jaramdy dep tanylǵan 1 425 daýystyń ishinde 1 045 adam qazirgi prezıdentti qoldaǵan. Federaldy jınalys tek qana prezıdentti saılaý úshin bes jylda bir márte jınalady. Onyń jartysy – býndestag depýtattary bolsa, qalǵan jartysy 16 landtag – jer parlamentinen joldanǵan saılaýshylardan turady. Olar jergilikti depýtattar, saıasatkerler, qoǵam qaıratkerleri, sondaı-aq sport, óner salasyndaǵy tanymal adamdar da bolýy múmkin.
Jınalystyń 86 múshesi daýys berýden qalys qalǵan, 294 adam basqa úmitkerlerdi tańdaǵan. 66 jastaǵy F-V.Shtaınmaıer saılaýdyń birinshi kezeńinde jeńiske jetti. Ony eldegi búkil bedeldi, saıası salmaǵy bar iri partııalar qoldady. Bıyl Federaldy jınalystyń jumysyna 1 472 adam qatysty.
Frank-Valter Shtaınmaıerden bólek bul saılaýda taǵy úsh kandıdat baq synady: maındtyq dáriger Gerhard Trabert, ol 96 daýys jınady, 140 daýys jınaǵan ekonomıst Maks Otte jáne astrofızık Shtefanı Gebaýer (Stefanie Gebauer), oǵan 58 daýys berildi.
2017 jyly naýryzda FRG prezıdenti bolyp saılanǵan Frank-Valter Shtaınmaıer ekinshi merzim el basqarady.
