Beısenbiden bastap dúkenderge, meıramhanalarǵa, mádenı mekemelerge jáne is-sharalarǵa betperdesiz nemese COVID sertıfıkatynsyz barýǵa bolady. Sondaı-aq jumys ornynda maskalardy mindetti túrde kııý jáne úıden jumys isteý týraly usynymdar alynyp tastalatyny aldyn ala habarlanǵan.
Sonymen qatar Shveısarııaǵa keletin adamdarǵa vaksına saldyrǵany, aýrý nemese koronavırýsqa teris synaq týraly rastaý qujaty qajet emes.
Odan bólek 31 naýryzǵa deıin qoǵamdyq kólikterde qorǵanys quraldaryn paıdalaný jáne oń COVID-19 synaǵy bar adamdar úshin bes kúndik oqshaýlaý týraly talap kúshine enetini atap ótildi. Shveısarııanyń qalypty ómirge qaıta kelý úshin sheshýshi ári mańyzdy qadam jasaıtyny aıtyldy.
El úkimeti sonymen birge Berndegi baspasóz máslıhatynda Shveısarııada jıyndardyń kólemine eshqandaı shekteýler bolmaıtynyn málimdedi, al iri is-sharalar úshin budan bylaı ruqsat alýdyń qajeti joq.
