Qaýlyǵa sáıkes, áleýmettik-ekonomıkalyq obektilerdiń jumysyna shekteý qoıylmaıdy.
Tek medısınalyq ortalyqtar, kabınetter, stomatologııa kabınetteri aldyn ala jazylý boıynsha qyzmet kórsetedi.
Sondaı-aq, qarbalas saǵattarda avtobýstar sanyn kóbeıtý, barlyq esikterdi ashý, otyratyn oryndar sany boıynsha toltyrylý qajet. Uıymdar men keńselerge COVID-19-ǵa qarsy vaksınasııalaýdyń tolyq kýrsyn alǵan jáne sońǵy 3 aı ishinde COVID-19-ben aýyryp jazylǵan barlyq qyzmetkerlerdiń kúndizgi rejımde (jumys ornynda) jumys isteýine jol beriledi.
О́nerkásip, kommýnaldyq tele-radıo kommýnıkasııalyq jáne baılanys qyzmeti, qurylys, aýyl jáne balyq sharýashylyǵy, mal sharýashylyǵy, baılanyssyz qyzmetter men týrıstik kompanııalar, bıznes ortalyqtary men medısınalyq uıymdar, mýzeıler men kitaphanalar, azyq-túlik dúkenderi men shaǵyn marketter qalypty jaǵdaıda qyzmet kórsetedi.
Sondaı-aq, sulýlyq ortalyqtary men salondary, shashtarazdar, manıkıýr men pedıkıýr qyzmetteri, kosmetıkalyq jáne kosmetologııalyq qyzmet kórsetetin oryndar (aldyn ala jazylýmen), ashyq bazarlar (azyq-túlik, azyq-túlik emes), jármeńkelerde de qalypty rejım saqtalady.
«Ashyq» jobasyna qatysatyn áleýmettik-ekonomıkalyq obektilerdiń qyzmeti shekteýsiz júrgiziledi. Saltanatty, otbasylyq, eske alý is-sharalardy (banketter, eske alý) ótkizý, konferensııalar, forýmdar, adamdar kóp jınalatyn oıyn-saýyq jáne ózge de is-sharalar men kórmeler, marafondar ótkizý shekteýsiz júzege asyrylady.
Sondaı-aq, olardyń qatarynda sport keshenderi men sporttyq saýyqtyrý ortalyqtary, oıyn klýbtary men túngi klýbtar, karaoke zaldary, saýda oryndary, basseınder bar.
