Bul týraly Sh.Ýálıhanov atyndaǵy Tarıh jáne etnologııa ınstıtýtynyń dırektory, tarıh ǵylymdarynyń doktory, Zııabek Qabyldınov áleýmettik jelidegi paraqshasynda jazdy.
Amangeldi Qusaıynuly 1942 jyly 29 jeltoqsanda Pavlodar oblysy Ertis aýdany Úlgili aýylynda dúnıege kelgen.
1960 jyly eńbek jolyn orta mektep muǵalimi bolyp bastaǵan ol, S.M. Kırov atyndaǵy Qazaq memlekettik ýnıversıtetin bitirip Almaty medısına ınstıtýtynda oqytýshy qyzmetinde istegen.
Keıin partııa qyzmetine aýysyp Almaty qalasy Sovet aýdandyq komıtetiniń apparatynda, odan soń Qazaq memlekettik ýnıversıtetiniń aspıranty, assıstenti, aǵa oqytýshysy, dosent, prorektor, aǵa ǵylymı qyzmetker, professor bolyp qyzmetterin atqarǵan.
1992-1996 jj. S.Seıfýllın atyndaǵy Aqmola ýnıversıtetiniń, 1996-2000 jyldary - L.N.Gýmılev atyndaǵy Eýrazııa ulttyq ýnıversıtetiniń rektory qyzmetin atqaryp, basshy retinde ýnıversıtettiń ǵylymı-pedagogıkalyq, materıaldyq – tehnıkalyq potensıalyn nyǵaıtýda úlken qaıratkerlik kórsetti.
2000-2004 jyldary QR Joǵarǵy attestasııalyq komıssııasynyń tóraǵasy.
2004-2007 jyldary – Y.Altynsarın atyndaǵy Qazaq bilim akademııasynyń prezıdenti boldy.
Al 2007 jyldan Eýrazııa gýmanıtarlyq ınstıtýtynyń rektory bolǵan edi.
