Prezıdent, meniń oıymsha, bolǵan oqıǵalardan tolyq qorytyndy jasap, mańyzdy máselelerdi qozǵady.
Meniń oıymsha, bul ashyq áńgime – halyqqa budan da mańyzdy málimdemelerdiń basy.
Eń aldymen, Qasym-Jomart Toqaevtyń «Qazaqstan» telearnasynyń jýrnalısimen suhbatyndaǵy úsh negizgi taqyrypty atap ótkim keledi.
Prezıdent Qazaqstan UQShU-nyń bizge kórsetken kómegi úshin eshkimge jáne eshnársege mindetti emes ekenin erekshe atap ótti. Barlyǵy ortaq múdde úshin jasaldy.
Men ózim jaqynda ǵana QSZI dırektory bolyp taǵaıyndaldym. Buǵan deıin 4 jyl Reseı Federasııasynda dıplomat bolyp qyzmet ettim. Sondyqtan bizdiń elderimiz arasyndaǵy áýelden kele jatqan beıbit qarym-qatynastar týraly jaqsy bilemin.
Osy suhbatynda Memleket basshysy Qasym-Jomart Kemeluly Toqaev bizdiń elderimiz arasynda eshqashan túsinispeýshilik bolmaǵanyn jáne bolmaıtynyn aıtty. Biz barlyq deńgeıde baýyrlas halyqpyz dep aıta alamyz. Men muny ózim de rastaımyn. Bul bos sózder emes. Bul – shyndyq. Jalpy, shekara shegendelgen, delımıtasııalanǵan, demarkasııalanǵan.
Memleket basshysy atap ótkendeı, bizde Reseımen eshqandaı shekara, jer máseleleri men problema joq. Bizde bolashaqqa qatysty úlken josparlar bar.
Prezıdenttiń maǵan unaǵan taǵy bir oıy – biz qańtardaǵy oqıǵalardan mańyzdy sabaq alýymyz kerek. Qazir tergeý júrip jatyr, mamandar, bedeldi zańgerler jumys istep jatyr.
Meniń oıymsha, qazir asyǵys qorytyndy jasaýǵa, sonymen qatar jalǵan aqparat taratýǵa, adamdardy qyzyqtyrýǵa bolmaıdy. Prezıdent Q.Toqaev qoǵamnyń joǵary senimine ıe jáne ol jasandy emes, sondyqtan teris pıǵyldylardyń oıy iske aspaıdy.
Qasym-Jomart Kemeluly Toqaev eldegi qańtar aıyndaǵy oqıǵalar jónindegi tergeýde eshkimge óz betinshe áreket etýge jol berilmeıtinin atap ótti. Sheshimder qabyldaý kezinde ashyqtyq, aıqyndyq jáne ádildik bolýǵa tıis.
Úshinshi mańyzdy másele – Jańa Qazaqstannyń kelbeti týraly aıtyldy. Prezıdent bizde birte-birte kúrdeli reformalar bolatynyn naqty aıtty. El aldynda úlken mindetter tur. Qazaqstan – bizdiń Otanymyz. Bizde basqa Otan joq, biz onyń irgesin birge qalaımyz.
Memleket basshysy atap ótkendeı, Jańa Qazaqstan – ekonomıkasy damyǵan, quqyqtyq turǵyda ádil jáne kúshti memleket. Onda ár azamat úshin ádil jáne teń múmkindikter bolady.
Erkin TUQYMOV,
Prezıdent janyndaǵy Qazaqstan strategııalyq zertteýler ınstıtýtynyń dırektory, saıası ǵylymdar kandıdaty
