Jaýapkershilik birinshi orynda turýy kerek

Endigide osyndaı oń úrdisti Premerden bas­tap mınıstrler men ákimder jalǵastyrǵany abzal. Onsyz qoǵamdyq kelisim men birlikke qol jetkizý múmkin emes.

Oryn alǵan qatelikterdi túzetýge kelgende Memleket basshysy qyzbalyqqa salynbaı, kerisinshe aqylǵa júginip árekettenýge basymdyq beretinin aıtty.

О́z basym bul ustanymmen tolyq kelisemin. Aınalyp kelgende gúldengen ári ádil qoǵam burynǵyny qopara salýmen ornasa, úsh revolıýsııadan ótken, tórt prezıdentiniń úsheýi sottalǵan Qyrǵyzstan qaıda qaldy? Iá, sońǵy jarty ǵasyrda on bes memlekettik tóńkeristi bastan ótkergen Sırııanyń kúni ne boldy?

О́zgerister álbette qajet, biraq qantógis pen eldiń shańyraǵyn shaıqaý arqyly emes. Qasym-Jomart Toqaevtyń alǵa tartqany da – osyndaı órkenıetti jol. Al endi saıası reformalardyń jalǵasyn sóz etse, Memleket basshysy 1 naýryzda Nur Otan partııasynyń kezekten tys sezin shaqyrtý týraly sheshim qabyldady.

Oǵan búkil aımaqtardyń ókilderi qatysyp, Jańa Qazaqstandy qurý mindetine saı par­tııa­ny jańartý jáne onyń áleýetin jumyl­dyrý máseleleri qaralady. Munyń ózi tıisti ózgeris­­terdiń údemeli, alaıda asyǵystyqqa ne asyra silteýge jol bermeı baısaldy júrip jat­qanyn taǵy da baıqatady.

Qalaı bolǵanda da qoǵamdyq-saıası sahnada basqa kúshter áli qalyptasyp úlgermeı otyrǵanda, aǵymdaǵy túıtkilder men min­det­ter jedel sheshimdi talap etkende bas­qasha áreket etý zor qatelik bolar edi. Saıyp kelgende kez kelgen reforma ataýly áldebir eksperıment emes, búgin sátsiz shyq­sa erteń qaıta baıqap kóretin. Tutas el­diń, mıllıondaǵan azamattyń taǵdyry sóz bolǵanda jaýapkershilik pen qyraǵylyq ár­daıym birinshi orynda bolý kerek.

Rasýl JUMALY,

saıasattanýshy